Ka shumë teori mbi atë se çfarë e vendos të ardhmen tonë. Dikush beson se krejt çfarë ndodh është e shkruar nga Zoti. Disa të tjerë besojmë se të ardhmen e vendos pozicioni i yjeve në gjithësi, e dikush tjetër në atë se a ta ka ‘pre macja e zezë apo e bardhë rrugën’.
Pa pasur asnjë qëllim që të hedh hije dyshimi a shkëndija besimi mbi të gjitha teoritë e mbifuqishme, po zgjedh teorinë që pashmangshëm përcakton një pjesë të asaj që do të na ndodhë për të përshkruar pak këtë skenar të vitit 2014. Po bazohem në teorinë e veprimeve. Janë veprimet që i kemi bërë ato që pastaj na çojnë te një zhvillim. Është zhvillimi që ia kemi bërë argatin dikur në një kohë, në një vend.
Ky është skenari në tri akte i Kosovës 2014.
Akti 1
Trupat e turpit
Baci Azem mund të vdesë i qetë në fund të këtij viti. Ankthi 15-vjeçar do t’i marrë fund kur Batajnica, Bori dhe nja dy lokacione tjera do t’i nxjerrin trupat e të dashurve të bacit Azem, të dashurve të mi, trupat e shqiptarëve tanë të pagjetur.
Kësisoj, pasi t’i ketë rehatuar eshtrat e të gjithë anëtarëve të familjes, baci Azem do të lehtësohet.
Zhvillimi nuk do të ndodh sepse tek tash është mësuar lokacioni i trupave, por sepse vetëm tash Serbia ka interes ta zhvarrosë marren dhe çmendurinë. Normalizimi dhe BE-ja janë interesi.
Akti 2
Prej nga këta trupa?!
Jovana mund të mos ketë nevojë që në këtë qershor të ndezë qirinj dhe të qajë para çezmës së shatërvanit.
Nëna serbe, nga rrethina e qytetit jugor, humbi burrin pesë ditë pas përfundimit të bombardimeve të NATO-s. Ajo dhe disa nëna e baballarë serbë përjetojnë ankth, diçka të ngjashëm me atë të bacit Azem. Dikush më shumë e dikush më pak, pa pasur ende një njësi të saktë të matjes së dhimbjes. Nejse, këta serbë as pa e ditur se sa janë, sepse shteti i tyre i talli sa herë u tha që janë shumë më shumë sesa që janë.
Sidoqoftë, Jovana me shumë gjasë do të mësojë se çfarë ka ndodhur me burrin e saj. Jo se dikush nuk e ka ditur deri tash, por sepse vetëm tash e kemi përpara normalizimin.
Akti 3
Raporti
Gazeta londineze do të dalë edhe njëherë fituese në garën mes mediave të Prishtinës dhe Beogradit për të pasur ekskluzivitetin e raporteve të ndjeshme ndërkombëtare.
Amerikani i ngarkuar për ta ndjekur telenovelën e verdhë, do ta kryejë punën e tij pak muaj para se të përfundojë ky mandat i EULEX-it dhe rrjedhimisht edhe i tij. Organe nuk ka. Por, ka të pagjetur për zbardhjen e fatit të të cilëve tash do të duhet të përkujdeset një gjykatë dhe prokurori evropiane.
Individët sërish do të mundohen ta shpëtojnë veten duke e kolektivizuar përgjegjësinë.
Akti tre nuk do të ndodhë, sepse u shty nga dikush kundër UÇK-së apo shqiptarëve. Por, sepse kemi fate njerëzish që duhen zbardhur. Fate që dikush dikur ua bëri një argat.
(Autori është Redaktor Përgjegjës në gazetën Tribuna)
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Këto janë vendet ku TikTok tashmë është i ndaluar – dhe nuk janë pak
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Zelensky tregon tri llojet e armëve që i duhen Ukrainës për të mposhtur Rusinë
A do t'i "shpëtojë" Albin Kurti Asociacionit të komunave me shumicë serbe, flasin analistët
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë