Skaneri për zbulimin e armëve me Inteligjencë Artificiale dështoi në detektimin e një thike

Një firmë sigurie që iu shet shkollave skanerë armësh me Inteligjencë Artificiale po përballet me pyetje të reja në lidhje me teknologjinë e saj pasi një nxënës u sulmua me një thikë që sistemi prej 3.7 milionë dollarësh nuk arriti ta detektonte.

Në festën e Halloween-it të vitit të kaluar, nxënësi Ehni Ler Htoo ishte duke ecur në korridorin e shkollës së tij në Utica, New York, kur një nxënës tjetër i doli mbrapa dhe e theri me thikë, transmeton Telegrafi.

Duke folur për BBC, avokati i nxënësit tha se 18-vjeçari ka pësuar plagë të shumta me thikë, në kokë, qafë, fytyrë, shpatull, shpinë dhe dorë.

Thika e përdorur në sulm u soll në Shkollën e Mesme Proctor, pavarësisht nga një sistem për detektimin e shumë miliona armëve i instaluar nga një kompani e quajtur Evolv Technology.

Evolv Technology është një firmë sigurie që dëshiron të zëvendësojë detektorët tradicionalë të metaleve me skanerë armësh me Inteligjencë Artificiale.

Në vend që thjesht të detektojë metalin, Evolv thotë se skaneri i tij “kombinon teknologjinë e fuqishme të sensorëve me inteligjencën artificiale të dëshmuar” për të detektuar armët.

Kur sistemi detekton një armë të fshehur – si thika, bomba ose armë – ai shkakton një alarm.

Megjithatë, një hetim i BBC-s vitin e kaluar gjeti se sistemi nuk sistemi nuk mund të detektonte me besueshmëri thika të mëdha – pasi skaneri i Evolv humbi 42 për qind të thikave të mëdha në 24 kalime.

Sistemi përdoret në stadiumet kryesore në të gjithë SHBA-në si dhe në Manchester Arena në Mbretërinë e Bashkuar. Testuesit thanë që Evolv duhet të informojë klientët e mundshëm.

Pavarësisht kësaj, kompania është zgjeruar në shkolla dhe tani pretendon se operon në qindra prej tyre në të gjithë SHBA-në. /Telegrafi/