Nga: PJ Harvey
Përktheu: Fadil Bajraj

Brenda u fut vashëza me sy të pikëlluar dhe
E pyeti atë sërish
“Isha tepër e ligë? Isha fëmijë?” dhe
‘S’mund t’i lëmë anash këto e t’ia nisim përsëri?”

Thashë, “Nuk ma ndien nëse më poshtëron” dhe
“S’ma ndien nëse të gjitha i shkatërron”, por
“Deri kur do të më shfrytëzosh?”
“Deri kur do të më shfrytëzosh?”

“Do të kisha qejf të të fusja në kokë”
“Do të kisha qejf të të fusja brenda meje”
“Zbrite nga Qielli!”, është e tëra që tha,
“Zbrite nga Qielli dhe këtu erdhe shkaku im,
dhe të dua”

ai ngaste shpejt për ta kaluar natën
dhe e shikoi engjëllin e vet, ku shtrihej
Tek pushonte kokën, dhe ia mbylli sytë
Jashtë bënte vapë e Vera zbehej
Thellë në qiell, stuhinë që e kishte parë
Thellë në qiell, stuhinë që e kishte parë
“Atje kurrgjë s’ka, s’ka vashëz më të lezetshme”
“E nxorën nga Parajsa e ma dhanë.”