Situata e Allegrit te Juventusi dhe pesë zëvendësuesit e mundshëm në rast largimi

Mediat italiane La Gazzetta dello Sport dhe Tuttosport pretendojnë se Juventus nuk po konsideron shkarkimin e Massimiliano Allegrit, por gazeta me bazë në Torino përmend pesë zëvendësues të mundshëm për trajnerin e lindur në Livorno, duke përfshirë emra të ish-lojtarëve si Igor Tudor dhe Antonio Conte.

Juventusi është eliminuar nga gjysmëfinalja e Kupës së Italisë dhe tifozët duken gjithnjë e më të frustruar me rezultatet dhe stilin e lojës nën drejtimin e Allegrit.

55-vjeçarit i kanë mbetur edhe dy vite kontratë në Torino dhe sipas Gazzetta dello Sport dhe Tuttosport, puna e tij nuk është në rrezik.

Të dyja gazetat pretendojnë se Juventusi nuk po mendon ta shkarkojë atë dhe e shohin atë si trajnerin perfekt për të ardhmen afatgjatë të klubit.

Caos Allegri, ma la #Juve è decisa: avanti con lui https://t.co/lYReJ0tday

— La Gazzetta dello Sport (@Gazzetta_it) April 27, 2023

Trajneri italian ka qenë gjithnjë e më i frustruar së fundmi me shpërthimet pas ndeshjeve kundër Napolit dhe Interit. Megjithatë, klubi dëshiron ta vendosë atë në ‘gjendjen më të mirë për të punuar’.

Sidoqoftë, gazeta Tuttosport shton gjithashtu se nëse një klub tjetër e do Allegrin në verë ose trajneri italian largohet në fund të sezonit, atëherë bardhezinjtë do të zgjidhnin zëvendësimin e tij midis pesë objektivave të profilit të lartë.

#Juventus, il club continua a confermare #Allegri ma quelle voci su #Tudor…?
https://t.co/HJcinR3joR

— Tuttosport (@tuttosport) April 28, 2023

Igor Tudor, një ish-mbrojtës i Juventusit dhe ndihmës i Andrea Pirlos tani në krye të Olympique Marseille, po monitorohet nga afër nga klubi.

E njëjta gjë është e vërtetë për Gian Piero Gasperini ‘me eksperiencë’, Antonio Conten ‘e shtrenjtë’, Zinedine Zidane ‘ambicioz’ dhe Roberto De Zerbi, i cili ka një klauzolë prej 13 milionë euro të përfshirë në kontratën e tij me Brighton. /Telegrafi/