Simptomat e alergjisë mund t’ju mashtrojnë këtë vit! Shumë i ngatërrojnë me të ftohtin – katër gjëra bëjnë diferencën

Lexoni ndryshimet kryesore midis një ftohjeje dhe një alergjie!

Alergjitë ndaj polenit të barit, pemëve dhe barojave, këtë vit po shfaqen më herët, pra për shkak të dimrit të butë.

Simptomat e pakëndshme si p.sh. sytë e skuqur dhe të përlotur, dhimbja e fytit, hunda e bllokuar dhe kolla mund të bëjnë shumë njerëz të pyesin nëse është një ftohje apo alergji.

Nëse mësoni të dalloni simptomat, atëherë do të shëroheni shumë më shpejt falë trajtimit të duhur, transmeton Telegrafi.

Ja si të dalloni një alergji nga një ftohje:

▪ kur keni alergji, temperatura e trupit nuk rritet,
▪ dhimbjet në trup dhe kocka janë karakteristike vetëm për infeksionet virusale dhe bakteriale ose ftohjen,
▪ kolla është karakteristikë e të ftohtit.
▪ kur keni alergji, rrjedhja nga hundët nuk duket e verdhë apo e gjelbër, por e pastër.

Alergjitë nuk transmetohen me një virus nga një person te tjetri, por shfaqen si rezultat i reagimit të trupit ndaj polenit të bimëve, qimeve të kafshëve, kimikateve shtëpiake dhe ushqimit. Njerëzit me predispozicion gjenetik ndaj alergjive mund të jenë në rrezik më të madh. Alergjenët e zakonshëm përfshijnë pluhurin e shtëpisë, mykun, ushqimin dhe patogjenë të tjerë.

Agjentët shkaktarë të proceseve infektive janë kryesisht viruse të ndryshme. Ka më shumë se 200 lloje. Ato transmetohen lehtësisht përmes duarve të pista, si dhe nga pikat e ajrit dhe prekin kryesisht mukozën e organeve të frymëmarrjes.

Lexo po ashtu Sezoni i alergjive ndaj polenit është gati të fillojë, lehtësoni simptomat me ndihmën e këtyre këshillave

Në të dyja rastet, trajtimi synon zbutjen e simptomave të sëmundjes dhe shkurtimin e kohëzgjatjes së ecurisë së saj.

Për alergjitë, gjëja më e rëndësishme është identifikimi dhe eliminimi i shkaktarit që shkakton simptomat. Nëse kjo nuk është e mundur (si, për shembull, me bimët me lule sezonale), duhet të kaloni më pak kohë jashtë dhe të shmangni kontaktin me alergjenin.

Antihistaminikët përdoren për të lehtësuar inflamacionin e mukozës. /Telegrafi/