Pensilvania duket të jetë një nga shtetet përcaktuese në garën për president të Shteteve të Bashkuara si dhe vendi i fundit që pritet të përfundojë numërimin e votave për Presidentin Donald Trump dhe rivalin demokrat Joe Biden.
Presidenti Donald Trump por edhe rivali i tij demokrat Joe Biden shpresojnë për fitore në Pensilvani, shtet ky që siguron 20 vota elektorale.
Meqenëse numërimi i votave me postë dhe atyre në mungesë kërkon kohë, rezultatet në këtë shtet mund të mos dihen deri në fund të javës.
“Pritja po më vret. Ankthi është i madh, por ndihem mirë duke ditur se gjithë këto shtete përfshirë Pensilvaninë, nuk po nguten duke u siguruar që gjithçka të bëhet sipas rregullave”, tha Marion Leary, votuese në Pensilvani.
Shumica e mbështetësve të zotit Trump në Pensilvani ndodhen në zona rurale midis qyteteve të mëdha të Filadeflias dhe Pitsburgut. Për ta më e rëndësishme është ekonomia sesa pandemia e koronavirusit.
“Kurrë nuk kam fituar më shumë sesa katër vitet e fundit që ai ishte president. Pra, jam shumë e lumtur”, tha votuesja tjetër nga Pensilvania, Kathleen Delahunty.
Por Pensilvania nuk ka qenë gjithmonë një shtet kyç për fitore. Në fakt, fitorja e zotit Trump më 2016 ishte e para për një kandidat republikan që nga vitet ‘80.
“Ky është një shtet me një klasë punëtore të madhe në numër. Në të kaluarën, kjo ishte zonë e fortë elektorale e demokratëve. Por ky është ndryshimi në politikën amerikane. Klasa punëtore tani ka më shumë të ngjarë të votojë për republikanët”, tha David Campbell, Profesor i Shkencave Politike në Universitetin Notre Dame.
Ndërsa Presidenti Trump po kërkon ndalimin e numërimit të votave që kanë mbërritur pas ditës së zgjedhjeve, në Filadelfia priten protesta nga mbështetësit e zotit Biden me kërkesën që të numërohet çdo votë.
“Filadelfia do të bëhet blu (demokrate)”, thotë shkurtimisht Harper Leary.
“E duam Donald Trumpin jashtë Shtëpisë së Bardhë. Do ta them hapur, nuk dua të gënjej” thotë Leah.
Por rezultatet e Pensilvanisë dhe garës presidenciale në tërësi mund të mos dihen edhe për disa ditë të tjera. /VOA/
Promo
Reklamo këtuLufta Prigozhin - Putin
Më shumë“Hakmarrja” e Izraelit ndaj Iranit – të gjitha zhvillimet, minutë pas minute
"Iranianët janë shumë të frikësuar"
Rreziku për luftë gjithëpërfshirëse në Lindjen e Mesme më i madh se kurrë, paralajmëron mediumi britanik
Izraeli sulmon Iranin me raketa
Ministri ekstremist izraelit e përshkruan me një fjalë sulmin e Izraelit ndaj Iranit
Sistemet e mbrojtjes ajrore të Iranit kanë qëlluar "një objekt të dyshimtë", ka njoftuar një komandant iranian
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi