Si të silleni dhe t’i qetësoni njerëzit agresivë dhe të ashpër?

Në përditshmëri do të hasni në shumë lloje të ndryshme të njerëzve. Disa nga ta mund të jenë të ëmbël, të qetë etj., ndërsa disa tjerë mund të jenë shumë agresivë dhe arrogantë.

Situata mund të jetë e mirë kur jeni afër njerëzve të mirë, mirëpo gjithçka ndryshon kur keni të bëni me njerëz agresivë, transmeton Telegrafi.

Sidoqoftë, është fakt i ditur që shpeshherë nuk mund t’i ikni ballafaqimit me njerëzit e tillë, dhe është e vërtetë që njerëzit agresivë nuk kanë dëshirë ta dëgjojnë dikë tjetër duke folur.

Veç kësaj, ata shumë lehtë i fillojnë argumentet të cilat konvertohen në një fjalosje të mëdha.

Megjithatë, ka disa mënyra apo truqe të cilat do t’ju ndihmojnë të ballafaqoheni me këta njerëz dhe t’i ndryshoni emocionet e tyre negative në pozitive.

Qëndroni të qetë

Agresiviteti, arroganca dhe sjellja e keqe janë trajta të njerëzve të këqij. Mos i leni këto trajta t’ju mbizotërojnë edhe ju në asnjë mënyrë. Qëndroni të qetë pavarësisht se si është situata.

Merrni frymë thellë dhe përpiquni të gjeni zgjidhje për çdo problem.

“Njoftoni” ata me sjelljen e tyre të ashpër

Formula e qetësimit të këtyre personave është t’jua shfaqni një “pasqyre” në të cilën mund ta shohin ata sjelljen e tyre të ashpër dhe të panevojshme. Sidoqoftë, kur e bëni këtë duhet të silleni shumë mirë dhe mos u përpiqni t’i rregulloni sjelljet e tyre.

Përpiquni t’i njihni arsyet prapa sjelljeve të tilla

Nëse ndjeheni të befasuar nga reagimi apo sjellja e dikujt, përpiquni ta mësoni arsyen prapa kësaj sjellje.

Ai apo ajo mund të ketë kësi sjellje për shkak të mungesës së gjumit, problemeve në familje, ndarjes nga partneri apo çfarëdo arsye tjetër. Kjo do t’ju ndihmonte shumë në qetësimin e situatës. /Telegrafi/