Si ta kuptoni nëse bebja është e sëmurë seriozisht

Sëmundjet serioze vështirë mund të vërehen te bebet

Ekspertët shëndetësorë thonë se prindërit e ri duhet t’u besojnë instinkteve kur është fjala për mënyrën se si kujdesen për bebet.

Prindërit i njohin më mirë se kushdo tjetër fëmijët e tyre, prandaj ndryshimi më i vogël te bebet mund të vërehet nga prindërit.

Disa shenja të sëmundjeve serioze janë temperatura e lartë e shoqëruar me duar dhe këmbë të ftohta, frymëmarrje të shpejt, qarje konstante dhe vjellje me ngjyrë të gjelbër.

Mbi të gjitha, ekspertët rekomandojnë që prindërit të veprojnë sa më shpejt kur e kanë ndjenjën se diçka është duke shkuar gabim me beben e tyre, transmeton Telegrafi.

Më poshtë i keni disa nga shenjat të cilat tregojnë se bebja juaj mund të jetë sëmurë, dhe ekspertët rekomandojnë që posa të vëreni njërën nga këto shenja te bebja, urgjent ta dërgoni te doktori:

– Bebja është më e vogël se tetë javë dhe refuzon të ushqehet

– Qarje e ndryshme nga ajo e zakonshmja

– Lëkurë të zbehtë

– Merr frymë shumë shpejt, etj.

/Telegrafi/