Si shkoi Kryeministri në fusnotë?

Pse Kuvendi i Republikës së Kosovës nuk duhet të ratifikojë marrëveshjen Ashton-Daçiq-*1 (Fusnotat: *1 – Thaçi)?

Sepse në veri të Kosovës me këtë Marrëveshje po krijohet Republika Srbska; sepse në veri janë grumbulluar kriminelët serbë të luftës nga e gjithë ish Jugosllavia; sepse kolonistët serbë të Kosovës janë më të këqij prej krejt serbëve që ekzistojnë; sepse ata së bashku kanë marrë pjesë në tërë vrasjet, masakrat dhe dhunimet e shqiptarëve para dhe pas vitit 1999!

Kur e them këtë, jam i vetëdijshëm plotësisht për peshën e fjalëve të mija. Andaj për atë që deklaroj publikisht marr përgjegjësi të plotë politike e juridike.

1) Disa fjalë në veten e parë që lidhen me temën!

Flas si një qytetar i thjesht i Republikës së Kosovës! Të parët e familjes time vinë nga një fshat kosovar kufitar që disa herë radhazi është djegur e masakruar e terrorizua nga shteti serb, si në kohen e Mbretërisë (1878 -1945) si në kohën Titos (1945 -1999)! Flas si një njeri i një familjeje që qe disa gjenerata të jetës ia kanë kushtua pavarësisë dhe bashkimit kombëtar! Flas si një njeri që kurrë nuk ka përfitua por që gjithmonë ka dhanë nga jeta e vet për çlirimin e bashkimin e kombit shqiptar.

Kam lindur e jam rritur në Prishtinë, ku edhe kam mbarua shkollës fillore në gjuhën shqipe – kohën e dialektit gegë. Në kohën pas qërimit të hesapeve Tito-Rankoviq, shkollën e mesme e kam vazhduar në Novi Sad (në lagjen Kamenica e Sremit) dhe pastaj studimet në Beograd (në lagjen e Zemunit), gjithnjë në gjuhën e atëhershme zyrtare serbokroate. Kjo ndoshta vërehet edhe nga gabimet drejtshkrimore që më ndodhin në shkrimet e mija në gjuhën shqipe, pasi që tëra shkollat tjera i kam mbarua në gjuhën serbokroate! Kam fjet me vite të tera në dhoma konvikti dhe jam ushqyer në të njëjtat mensa kadetësh e studentësh në ato shkolla, ku mësimet e studimet i vijonin kadetët e studentët nga të gjitha viset e ish RSFJ-së. Andaj, e konsideroj veten për njohës të mire të mentalitetit sllav.

2) Çfarë dallimi kanë serbët e krahinave të ndryshme mes veti?

I theksova këto detaje biografike për të dëshmuar se personalisht kam jetuar me pjesëtarë të të gjitha nacionaliteteve të gjitha viseve të ish RSFJ-së dhe se e njoh mentalitetin, jo vetëm të popujve të ndryshëm, por edhe mentalitetin e krahinave brenda popujve që jetonin në ish Jugosllavi.

E di saktësisht: – se çfarë kulture kanë serbët e Kroacisë; se çfarë kulture kanë serbët Malit të Zi; se çfarë kulture kanë serbët e BeH; se çfarë kulture liberale kanë serbët e Vojvodinës; se çfarë kulture kanë serbët – qytetarë të Beogradit; se çfarë kulture punëtore kanë serbët e Serbisë së brendshme deri te Nishi; se çfarë kulture kanë serbët e jugut dhe se çfarë kulture kanë kolonitë serbe në Kosovë të para dhe pas 1999.

Karakteristikë e përbashkët e të gjithë serbëve është urtësia e tyre individuale në kontakt me të tjerët dhe barbaria dhe egërsia kolektive e tyre kur ata veprojnë bashkë si hordhi hienash të tërbuara kundër popujve me të vegjël e të pa mbrojtur!

Kolonitë serbe të vendosura në jug të Nishit pas itit 1878 janë pjesa me primitive e serbëve. Ndërsa, serbët e vendosur në kolonitë serbe në Kosove pas vitit 1912 janë fundërrinat më kriminale të popullit serb, që janë sjell qëllimisht në Kosovë për të terrorizuar shqiptarët për me i detyru që të braktisin vatrat e veta! Përafërsisht e kanë mentalitetin e njëjte me ta edhe kolonitë serbe që ishin dërguar me kolonizu Malin e Zi, Kroacinë dhe BeH! Këto koloni përbeheshin nga familje oficerësh, kriminelësh dhe familje me të varfra dhe me të prapambetura serbe, që Nikolla Pashqi i dërgoi në viset e huaja me premtime se atje munden të pasurohen duke i plaçkitur tokat e shtëpitë e popullatës vendase. Kjo ndodhi edhe me Kosovën!

Gjeneratave të reja ua përkujtoi se Nikolla Pashiqi e ndau popullin shqiptar mes Banovinave të Zetës, të Moravës dhe të Vardarit, me qellim që me e sundu dhe me asimilu me lehtë. Këto Banovina Titoja i shndërroi në Republika serbe, maqedone e malazeze dhe ndaj popullit shqiptar vazhdoi të zbatohet politika e Nikolla Pashiqit. Kjo politikë e copëtimit dhe okupimit te tokave shqiptare u përkrah edhe nga fuqitë e vjetra të Evropës në bashkëpunim me Rusinë cariste, atë staliniste dhe putiniste, duke filluar prej vitit 1878 e deri me sot.

3) A ka edhe serbë, malazezë dhe maqedonë pozitiv dhe cilët janë ata?

Kjo nuk do të thotë se populli serb, malazez e maqedon po akuzohen në mënyrë kolektive si popuj kriminel. Që nga koha e Dimitrije Tucoviqit e deri në ditët e sotme, ka pasë shembuj pozitiv edhe te serbet, te malazezët dhe te maqedono-bullgarët (duke përjashtuar romët e sotëm serbo-maqedon në pushtet).

Mirëpo, pas tërë atyre referendumeve ku populli serb kolektivisht votoi për luftërat në ish Jugosllavi që i organizoi Millosheviqi kundër popujve tjerë, tani kjo është mjegulluar tërësisht. Andaj sot munden të konsiderohen serbë, malazezë e maqedonë të pafajshëm vetëm ata individë që janë deklaruar publikisht kundër politikës antishqiptare të qeverive serbe, malazeze e maqedone me kohë dhe ata që në kohën e luftërave kanë qenë nën moshën 14 vjeçare!

Pra, në institucionet e Republikës së Kosovës mund të inkuadrohen vetëm këto dy kategori të lartpërmendura nën betimin solemn se e njohin pavarësinë e Republikën Shqiptare të Kosovës dhe se do t’i shërbejnë me besnikëri institucioneve të saja.

Ndërsa, me qeveritë e këtyre vendeve mundet të hyhet në bisedime me kushtet e njohura që duhet t´i plotësojnë shtetet agresore, sikur që i ka plotësuar Gjermania pas Luftës së dytë Botërore! Nga shqiptarët, kushdo që kalon mbi këto kushte është në vinë e njohur të Ahmet Zogut dhe të dajës se tij Esat pashë Toptanit. Prandaj, Kuvendi i Kosovës nuk duhet të ratifikojë marrëveshjen Ashton-Daçiq, sepse kjo marrëveshje nuk ka dallim prej marrëveshjeve të Nikolla Pashqiti me Esat pashë Toptanin dhe të nipit të tij Ahmet Zogut!

4) Boshti antishqiptar po synon klonimin e pesë kombeve të reja artificiale nga shqiptarët jashtë Shqipërisë!

Dihet se krijesa artificiale e shtetit të Jugosllavisë së Versajës ishte një projekt i Fuqive të vjetra të Evropës, në bashkëpunim me Rusinë cariste. Dështimi i Jugosllavisë ishte dështim i këtij projekti i këtyre Fuqive reaksionare me të cilin dështim nuk u pajtuan as pasardhësit e tyre. Krijimi i UÇK-së nga ana e LPK-së dhe mobilizimi në të i shqiptarëve i të gjitha viseve etnike, si dhe nga e gjithë bota, praktikisht solli situatën që të rrezikohet zhdukja e Jugosllavisë dhe të vihet në rrezik edhe zhdukja e Serbisë, Greqisë, Maqedonisë dhe e Malit të Zi, që mbanin trojet shqiptare nën sundimin e vet. Për këto arsye në janarin e vitit 1998 Brukseli i dha leje Millosheviqit që ushtarakisht të likuidojë UÇK-në. Por, kur pas masakrës se Prekazit u pa se Millosheviqi po dështon, dhe se krejt Kosova po bëhet UÇK, për të zhdukur rrezikun e quajtur UÇK u organizua Konferenca e Rambujesë e vitit 1999.

Konferenca e Rambujes ishte projekt i aleatëve të Serbisë dhe të Greqisë për të ndalë ekspansionin shqiptar dhe për të likuiduar UÇK-në! Organizimi i shpërnguljeve të shqiptarëve të koordinuara nga Brukseli me Millosheviqin e Gligorovin dhe bombardimet e kazermave të zbrazëta serbe, ishin maska humanitare për zëvendësimin e forcave të dështuara terroriste serbe me KFOR-in e përberë prej rusëve, grekëve, spanjollëve, rumunëve, çekëve, italianëve, francezëve, të ushtrive arabe pro serbe dhe të njësive tjera të NATO-s, që në Kosove erdhën për të ruajtur sovranitetin e Serbisë duke e zbatuar Rezolutën reaksionare te OKB 1244. Por, kur edhe pas shkatërrimit të armëve të UÇK-së, në pranverën e vitit 2004 u pa se kthim të Kosovës nën sundimin serb nuk mundet të këtë, për pa marrë flak i tërë Ballkani, Brukseli ju përvesh ndarjes se re të Kosovës si dhe përpjekjet për restaurimin e ish Jugosllavisë përmes të “integrimeve rajonale të Ballkanit perëndimor” me BE.

Kështu, ata morën vendime të organizojnë Bisedimet e Vjenës dhe pastaj ato të Brukselit nga të cilat rrodhën marrëveshjet antishqiptare që u kurorëzuan me Planin e Ahtisarit dhe me marrëveshjen Ashton-Daçiq . Tani, kur edhe de jure po vihen bazat juridike të Republika Srbskas në veriun e Kosovës dhe e cila me Prishtinën ka raporte konfederatave, sepse ka policinë e vet (paramilitare) monedhën e vet (dinarin serb), ushtrinë e vet (çetnike), dhe politiken e jashtëm të vet (rusofile), Republika e Kosovës ka me ju nënshtrua një rikolonizimi të ri nga krahina e Kninit, me serbë çetnikë nga BeH (që janë kriminel të luftës në Kroaci e BeH). si dhe nga vet Serbia. De fakto edhe ashtu KFOR-i francez ka mundësuar që në veriun e Kosovës që 14 vite strehohen të gjithë kriminelët serbë të luftës në ish Jugosllavi.

Tani, pas kësaj marrëveshjeje Ashton-Daqiq, ata do të sjellin edhe familjet e veta dhe do të shtrihen, jo vetëm në veri, por edhe në tera enklavat e kolonive serbe në Kosovë. Me ndihmën ushtarake e ekonomike të e Brukselit këto koloni do të rigjenerohen në çerdhe kriminelësh ordinarë, gjeneratë pas gjenerate. Me këtë do të vazhdohet politika kolonialiste e Nikolla Pashqit, që kufiri i Shqipërisë të shtyhet drejt detit Adriatik dhe që një ditë Serbia të del në bregdetin shqiptar. Autostrada Nish-Durrës e ka mu këtë qëllim! Serbia e ka shty ndërtimin e hekurudhës Beograd-Tivar për 100 vjet, me shpresë se një ditë do të del në bregdetin e Durrësit, në vijën hekurudhore Beograd-Prizren-Durrës. Dhe ja, tani kjo që u pengua për 50 vjet nga “e majta nihiliste enveriste”, me autostradën Nish-Durrës po realizohet nga “patriotët e të djathtës demokratike” !

Marrëveshja Ashton-Daçiq nuk ka karakter paqësor, por ka karakter reaksionar e luftënxitës, sepse në vend se të mbrohet viktima dhe të dënohet agresori, që është kusht për arritjen e paqes e stabiliteti të qëndrueshëm mes këtyre popujve, këtu ndodhi e kundërta! Në emër të gjoja mbrojtjes së pakicës serbe, po mbrohet racizmi e kolonializmi serb. Në Kosovë nuk ka pakicë serbe por ka një formacion ushtarak serb i sjellë në Kosovë si koloni serbe nga koha e okupimit serb nga Mbretëria e Serbisë.

Mbeturinat e kolonistëve serbë në Kosovë që marrin rrogat e tatimpaguesve kosovarë që punojnë në institucione të Republikës së Kosovës, duke filluar që nga SHPK-ja e deri në qeveri e Parlament, jo vetëm se kurrë nuk e kanë njohur Republikën e Kosovës, por ata marrin edhe rroga të majme edhe nga Serbia, edhe nga Rusia e Brukseli, që të rrinë aty dhe të sabotojnë e paralizojnë Republikën e Kosovës nga brenda. Me marrëveshjen Ashton-Daçiq, nga buxheti i Republikës së Kosovës tani e tutje do të financohen edhe kriminelet e luftës të Ministrisë së Brendshme të Serbisë, si pjesëtarë të institucioneve të Kosovës.

Kolonistëve serbë në Kosovë, po t’ju jepet mundësia, ata do ta shkaktonin edhe Luftën e Tretë Botërore, vetëm të mos lejonin pavarësinë e Kosovës nga okupimi serb. Serbët e Kosovës ishin ata që e nxitën Millosheviqin që të nis gjenocidin në Kroaci, Bosnje e Kosove dhe në tërë vendet e ish RSFJ-së. Për “dënim”, sot serbët kriminelë të Kosovës janë më të privilegjuarit vrasës në krejt

Evropën! Ata tani po shpërblehen nga Brukseli edhe me marrëveshjen Ashton-Daçiq duke i legalizua krimet e tyre ne një Republika Srpska në Kosovë.

Lexuesit e kujdesshëm e kanë vërejtur se unë nuk e theksova se fjala është për Marrëveshjen Ashton-Daçiq-Thaçi, sepse në ketë rast ai është vetëm një objekt në emër të cilit flitet sa për legjitimitet formal, por i cili nuk ka kur far ndikimi në ketë marrëveshje! Ky pozicion i Thaçit është i njëjtë prej Konferencës se Rambujesë e deri me sot. Vetëm nëse Kuvendi i Kosovës e ratifikon ketë marrëveshje, Thaçit e ndan përgjegjësin me tërë ata deputetë që e ratifikojnë ketë marrëveshje.

Por edhe nëse ndodh kjo, kjo marrëveshje është ilegale, për shkak të pranisë se huaj ushtarake, policore e civile, për shkak se këto institucione janë krijuar me vota te vjedhura dhe për shkak se populli nuk e ka votua atë marrëveshje me një referendum. Kjo marrëveshje është dhe do të mbetet produkt i diktaturës të sundimit të përbashkët kolonial Bruksel-Beograd në Kosovë!