Një aksion i policisë angleze i ngjashëm me skenat e filmave aksion të Hollywood-it, është filmuar me kamera nga helikopteri i policisë, ku forca të shumta vihen pas dy adoleshentëve të dyshuar për vjedhje.

Videoja është filmuar në afërsi të Edenbridge në Kent, ku shihen policët me ndihmën e qenve arrijnë t’i kapin të dyshuarit, transmeton Telegrafi.

Pasi kishin pranuar një telefonatë anonime që ua bënte me dije se po ndodhte një vjedhje në një fshat, policia me njësi të ndryshme u vu në aksion, dhe pasi mbërritën në vendin e ngjarjes hasën në veturën me ngjyrë të hirtë brenda të cilës ishin të dyshuarit, që bënin të pamundurën për t’u arratisur.

Për t’i ndalur ata u detyruan t’i godasin edhe me vetura dhe kur zbritën në tokë për të vazhduar me vrap, në ndihmë policëve u dolën qentë që i “neutralizuan” të dyshuarit.

Zëdhënësi i policisë së Kentit ka konfirmuar se kanë arrestuar dy të rinj të moshës 17-vjeçe, njëri prej tyre është nga Edenbrige kurse tjetri nga East Grinstead. /Telegrafi/