LAJMI I FUNDIT:

Si ndikon ngjyra e dhomës në humorin e fëmijëve: Mendoni ta rregulloni hapësirën e fëmijëve, patjetër lexoni këtë tekst!

Si ndikon ngjyra e dhomës në humorin e fëmijëve: Mendoni ta rregulloni hapësirën e fëmijëve, patjetër lexoni këtë tekst!

Nuk është njësoj se me cilat ngjyra do ta rregulloni dhomën e fëmijëve, secila ngjyrë ka simbolikën e vet

Para lindjes së fëmijës, prindërit zakonisht rregullojnë dhomën e fëmijëve sipas gjinisë; kaltër për djem, rozë për vajza. Dhe a keni dëgjuar ndonjëherë për psikologjinë e ngjyrave?

Kjo do të thotë se ngjyrat ndikojnë edhe në humorin e fëmijëve, ndaj ndërsa disa i vënë në gjumë, të tjerë i mbajnë zgjuar ose i bëjnë më nervozë.

Mësoni se në ç’mënyrë ngjyrat e zgjedhura dhe dekorimet do të ndikojnë në zhvillimin intelektual dhe artistik të fëmijës suaj, transmeton Telegrafi.

Ngjyra e kaltër – është e kreativitetit

E kaltra është zgjedhja ideale për dhomën e fëmijës suaj nëse ai është hiperaktitv dhe çapkën, sepse pos që ul agresivitetin, kjo ngjyrë nxit kreativitetin.

Edhe pse e kaltra e rrit vizualisht hapësirën, ajo ndonjëherë mund të ndikojnë ftohtë, posaçërisht nëse në hapësirë nuk ka dritë të mjaftueshme natyrale ose nëse e kaltra është e përzier me një ngjyrë tjetër. Prandaj aplikimi i kujdesshëm i këtyre ngjyrave është i një rëndësie të madhe.

Ngjyra e kuqe – shkakton acarim

Vështirë se dikush do të zgjedhë mu këtë ngjyrë për dhomën e fëmijës, mirëpo mund të duket shumë bukur si ngjyrë e dorës së dytë, për të theksuar detajet.

Është atraktive, i kontribuon produktivitetit dhe kreativitetit të fëmijëve. Assesi nuk rekomandohet për muret e dhomës së fëmijëve, aq më parë nëse fëmija është trazovaç apo hiperkaktiv. Te bebet e kuqja mund të shkaktojë madje edhe frikë.

Nëse teprohet me ngjyra, mund të çojë në nervozë dhe acarim. Është krejtësisht e mjaftueshme që të përkufizoheni në detaje të kuqe: tapeta, perdet, kornizat e fotografive, të gjitha këto në kombinim me ngjyrën qetësuese të mureve.

Ngjyra e verdhë – simbol i lumturisë

E verdha është ideale për theksimin e detajeve të caktuara, por nëse teprohet me përdorimin e kësaj ngjyre mund të krijojë te fëmija ndjenja negative.

Në rast të përdorimit të moderuar, ajo do të jetë një zgjedhje e përkryer për dhomën e fëmijës, sepse do të nxisë fëmijën e qetë të bëhet më aktiv dhe do t’i kontribuojë zhvillimit të shkathtësive intelektuale. E verdha përmirëson kujtesën dhe nxit tajitje të hormonit të lumturisë.

Ngjyra e trëndafiltë – ngjyrë e qetësisë

Edhe pse shpesh konsiderohet që e trëndafilta është ngjyrë ekskluzivisht për vajza, ky qëndrim bazohet në paragjykime, ndaj mos ngurroni të shtoni pak edhe në dhomën e djemve.

Shkakton një ndjenjë qetësie tek fëmija dhe sjell freski dhe gaz në dhomë.

E gjelbra – besoni apo jo, zgjedhja ideale për dhomën e fëmijëve

Ajo është e vetmja me të cilën nuk mund ta teprojë. Duke qenë se është ngjyra më e lehtë për t’u parë, ajo është më e këndshme për syrin e njeriut.

Përveç kësaj, ngjyra e gjelbër ka një efekt qetësues dhe përmirëson disponimin, si dhe ndikon në shpejtësinë e të mësuarit dhe leximit. /Telegrafi/


Në trend Stil

Më shumë
Metoda super e thjeshtë për ta zhbllokuar lavamanin për pesë minuta

Metoda super e thjeshtë për ta zhbllokuar lavamanin për pesë minuta

Stil
Pesë shenjat e horoskopit që janë të “destinuara” për t’u bërë të famshme

Pesë shenjat e horoskopit që janë të “destinuara” për t’u bërë të famshme

Astrologji
Tre gabimet e zakonshme në shtëpi që ju “rrisin” faturat e ngrohjes – si mund të kurseni?

Tre gabimet e zakonshme në shtëpi që ju “rrisin” faturat e ngrohjes – si mund të kurseni?

Stil
Gruaja zbulon një pjesë sekrete të makinës larëse ku grumbullohen të gjitha papastërtitë

Gruaja zbulon një pjesë sekrete të makinës larëse ku grumbullohen të gjitha papastërtitë

Stil
Në këtë qytet të gjithë banorët jetojnë në vetëm një pallat me 196 banesa

Në këtë qytet të gjithë banorët jetojnë në vetëm një pallat me 196 banesa

Stil
Këto janë shenjat më inteligjente të horoskopit, mësoni nëse jeni edhe ju në mesin e tyre

Këto janë shenjat më inteligjente të horoskopit, mësoni nëse jeni edhe ju në mesin e tyre

Astrologji
Kalo në kategori