Si mund të hyni në botën e metaversit nga tani?

Nëse tashmë keni dëgjuar metaversin, ju mund të përfshiheni në këtë botë pikërisht tani.

Ndonëse metaverse do të evoluojë vazhdimisht me kalimin e kohës, ju mund ta provoni atë se di duket tashmë.

Ka shumë aplikacione, lojëra dhe pajisje që mund të përdorni për të hyrë në metaverse.

Ju mund ta mendoni metaversin si një koleksion të botëve të lidhura dixhitale që mund t’i eksploroni në mënyra të ndryshme.

Do të jetë paksa sikurse interneti, por më gjithëpërfshirës dhe i përqendruar rreth përvojave.

Bota e ‘vërtetë’ e metaversit do të marrë vite për t’u zhvilluar, por është e mundur që nga ky moment të provohet nga sa është krijuar në këtë fazë.

Ja çfarë duhet të bëni.

Roblox

Roblox është një shembull i shkëlqyer i një loje të stilit metaverse.

Si fillim, është një platformë e madhe me dhjetëra miliona përdorues – të gjithë jetojnë në të njëjtat botë virtuale.

E rëndësishmja, Roblox ju lejon të krijoni botët dhe lojërat tuaja, dhe më pas lejon të tjerët të hyjnë në to.

Pra, ka shumë botë brenda lojës, secili me pamjen, ndjenjën dhe komunitetin e vet.

Ju mund të luani Roblox në Windows, macOS, iOS, Android dhe Xbox One.

Minecraft

Ngjashëm me Roblox, Minecraft është një lojë jashtëzakonisht e popullarizuar në internet e fokusuar në krijimin.

Në vend të kufizojë lojtarët në një botë të vetme, lojtarët e Minecraft mund të krijojnë universet e tyre virtuale.

Për shkak se është me shumë lojtarë, miqtë dhe madje edhe të huajt mund të lidhen dhe të bashkohen në argëtim.

Minecraft është lansuar prej vitesh, kështu që sasia dhe cilësia e botëve të saj virtuale është rritur masivisht me kalimin e kohës.

Minecraft është i disponueshëm në Windows, macOS dhe Linux.

Fortnite

Në pamje të parë, Fortnite është vetëm një lojë e thjeshtë me gjuajtje.

Është me shumë lojtarë sigurisht, por është një lojë ‘Battle Royale’ që i ngjan shumë Call of Duty Warzone.

Ajo që e bën Fortnite-in metaverse është se ka gjithashtu përvoja gjigante globale.

Fortnite ka shfaqur muzikë live, art dhe madje edhe filma mund të shijohen së bashku në një botë virtuale.

Pjesa më e madhe e metaverses do të ndërtohet rreth këtyre përvojave të përbashkëta në botët online.

Fortnite është i disponueshëm në Windows, macOS, Nintendo Switch, PS4, PS5, Xbox One, Xbox Series X / S dhe Android.

Decentraland

Decentraland është një botë gjigante virtuale e ndërtuar rreth konceptit të pasurive të paluajtshme virtuale.

Përdoruesit mund të blejnë parcela virtuale toke brenda universit Decentraland.

Dhe këto parcela toke mbahen dhe zotërohen si NFT – tokena jo të këmbyeshëm.

Në thelb është si Bitcoini: është regjistruar në blockchain, por në vend që të zotëroni një kriptomonedhë, ju zotëroni një token virtual.

Ju mund të zhvilloni tokën tuaj dhe ta eksploroni atë me miqtë.

Decentraland është një lojë e bazuar në shfletues, kështu që ju duhet akses në një shfletues ueb për të luajtur.

Oculus

Oculus me të vërtetë është duke u futur në atë se si do të duket e ardhmja e metaversit.

Oculus Quest 2 i Facebook, janë kufjet më të fundit nga kompania dhe ju lejojnë të shikoni të ardhmen.

Ato janë kufjet të realitetit virtual (VR), që do të thotë se me to zhyteni plotësisht në botën e krijuar nga kompjuteri.

Ekziston përvoja thelbësore e Oculus në shtëpi, dhe përmes saj mund të navigoni një mori aplikacionesh dhe lojërash VR.

Është pothuajse si të bartësh një iPhone dhe të jetosh brenda ekranit.

Ka lojëra të njohura kërcimi si Beat Saber, botë virtuale, duke përfshirë Horizon të Facebook-ut.

Shumë nga këto përvoja mund të shijohen me miqtë.

Dhe Facebook madje ka zhvilluar “Horizon Workrooms” për t’ju lejuar të punoni me kolegët në hapësira virtuale.

Ju mund të ndërveproni me botën duke përdorur kontrollorët e dorës, apo edhe duart tuaja me disa cilësime të aktivizuara.

Dhe ju mund të lëvizni lirshëm në hapësirën virtuale, sikur të ishte bota reale.

Ju do të duhet të shpenzoni 299 dollarë për të blerë kufjet Oculus.

Por është absolutisht mënyra më e kënaqshme për të parë metaversin sot – pa shpenzuar një pasuri absolute. /Telegrafi/