Presidenti serb Aleksandar Vuçiq pranoi Marrëveshjen Evropiane për normalizimin e marrëdhënieve mes Kosovës dhe Serbisë dhe më pas Aneksin e saj në Ohër. Edhe pse kjo interpretohet nga opinioni si një njohje joformale e Kosovës, Kisha Ortodokse Serbe ende nuk po deklarohet. E vetmja gjë që dihet është se të premten janë kryer lutjet. Dhe kjo është e gjitha.
Siç shkruan portali serb “Nova”, oresidenti i Serbisë ka theksuar vazhdimisht se është duke u konsultuar me përfaqësuesit e Kishës Ortodokse Serbe për zgjidhjen e çështjes së Kosovës.
Pas një takimi në nëntor 2022 me Patriarkun Porfirije dhe anëtarët e Kishës Ortodokse Serbe, Vuçiq deklaroi se ata janë të vendosur që “të mbrojnë fuqishëm dhe bashkërisht interesat vitale, kombëtare dhe shtetërore”.
Tema ishte gjithsesi ishte Kosova, të cilën Kisha Ortodokse Serbe e konsideron si pjesë të patjetërsueshme të Serbisë, transmeton Telegrafi.
Më pas, në dhjetor, patriarku Porfirije deshi të vizitonte Kosovën, por Prishtina ia ndaloi vizitën derisa ai të dënojë vendosjen e barrikadave në veri.
Pas intervenimit të ministrit të ri në qeverinë e Albin Kurtit, Nenad Rashiq, megjithatë iu miratua vizita patriarkut në janar, por ai nuk shkoi në Kosovë.
Kisha Ortodokse Serbe njoftoi se, sipas një programi të paracaktuar, në festën e Lindjes së Zotit dhe Shpëtimtarit Jezu Krisht, në mesnatë, Patriarku Porfirije do të shërbejë Liturgjinë e Shenjtë ipeshkvore në tempullin e Shën Savës në Vraçar.
Siç thuhet në njoftimin e Kishës Ortodokse Serbe, “Patriarku do të shkojë në Patrikanën e Pejës dhe do të vizitojë klerin dhe popullin besimtar të Dioqezës së Rashkë-Prizrenit në përputhje me programin dhe diskrecionin e tij, të cilat nuk kanë të bëjnë me kurrfarë konteksti politik apo te ndonjë personalitet nga jeta politike”.
Më 20 janar, Patriarku Porfirije dhe kryepeshkopët e Kishës Ortodokse Serbe shprehën besimin se “udhëheqja e Serbisë, e udhëhequr nga presidenti Aleksandar Vuçiq, nuk do dhe nuk mund të pajtohet me asnjë kusht që synon vendosjen e pavarësisë së Kosovës”.
Më tej pasuan negociatat e BE-së me Vuçiqin dhe Kurtin për Propozimin Evropian për marrëveshje, të cilin të dyja palët e pranuan fillimisht në Bruksel dhe më pas në Ohër, transmeton Telegrafi.
Kisha nuk u deklarua Veç se në fund të shkurtit ajo ka njoftuar se do të kryhen lutje çdo të premte.
Në ndërkohë, zyrtarët evropianë na sigurojnë se si Beogradi ashtu edhe Prishtina kanë filluar të zbatojnë atë që është rënë dakord.
Për palën serbe, kjo nënkupton se në një moment do të pranojnë edhe hyrjen e Kosovës në të gjitha organizatat ndërkombëtare, duke përfshirë Kombet e Bashkuara, e cila nga opinioni trajtohet si një njohje de facto e Kosovës.
Ajo që do të ndodhë me pronën e Kishës Ortodokse Serbe në Kosovë është gjithashtu një pikëpyetje e madhe.
Edhe pse Marrëveshja të cilën e pranuan Serbia dhe Kosova në shkurt në Bruksel parashikon edhe zgjidhjen e statusit të Kishës Ortodokse Serbe në Kosovë, për këtë nuk ka asnjë fjalë në aneksin e Ohrit. Për këtë arsye lind pyetja se çfarë do të ndodhë me pronën e Kishës Ortodokse Serbe dhe cili është fati i më shumë se 1300 manastireve, kishave dhe objekteve të tjera që ndodhen në Kosovë.
Kisha nuk u deklarua lidhur me këtë.
Ndërkohë, Aleksandar Vuçiq vazhdon të mburret se askush nuk e ka ndihmuar Kishën Ortodokse Serbe aq sa pushteti aktual në 50 vitet e fundit. /Telegrafi/
Lufta Prigozhin - Putin
Më shumë"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën