Mund t’ju ndihmojë

Tretja e mirë varet kryesisht nga ushqimi i duhur.

Është e nevojshme të merrni një sasi të mjaftueshme të fibrave dhe lëndëve të tjera ushqyese gjatë ditës që kanë një efekt pozitiv në florën tuaj të zorrëve.

Problemet me kapsllëkun mund të jenë shumë të vështira dhe të dhimbshme dhe nuk janë gjithmonë të lehta për t’u përballuar, transmeton Telegrafi.

Rekomandohet patjetër që të vizitoni një mjek për të përcaktuar se çfarë e shkakton kapsllëkun.

Nëse problemi nuk është shkaktuar nga një sëmundje, duhet të rregulloni zakonet tuaja për të përmirësuar gjendjen.

Perimet dhe frutat e shumta janë të pasura me fibra, ndaj çfarëdo që të vendosni, nuk do të gaboni, pavarësisht nëse i konsumoni të papërpunuara apo bëni një smoothie prej tyre.

Marrja e rekomanduar ditore e fibrave dietike për të rriturit është 30 g, por rezultatet e një studimi thonë se një person mesatar konsumon vetëm një të tretën e kësaj substance në baza ditore.

Akupresura

Akupresura është një metodë e lashtë kineze për trajtimin e sëmundjeve të ndryshme duke shtypur disa pjesë të trupit.

Ekspertët e refleksologjisë theksojnë se trupi i njeriut ka zona energjike dhe secila përfshin pjesë të caktuara të trupit.

Pozicioni i magjishëm i jogës: Mposhteni kapsllëkun dhe përshpejtoni metabolizmin vetëm me një ushtrim! Pozicioni i magjishëm i jogës: Mposhteni kapsllëkun dhe përshpejtoni metabolizmin vetëm me një ushtrim!

Nëse vuani nga zorrët e ndjeshme dhe dispepsia, duhet të shtypni një pikë të caktuar në bark, e cila ndodhet dy gishta poshtë kërthizës dhe ushtrimin duhet ta kryeni me stomakun bosh.

Shtypni atë pikë dhe mbajeni për 30 sekonda, bëni një pushim të shkurtër dhe përsërisni. Presioni duhet të jetë i butë në fillim, dhe më pas duhet ta rrisni atë. /Telegrafi/