Agjencisë Kosovare të Privatizimit (AKP), i nevojiten edhe shtatë vite kohë, në mënyrë që të përfundojë procesin e privatizimit të ndërmarrjeve shoqërore dhe aseteve të tyre në Kosovë, thonë udhëheqës të kësaj agjencie.
Drejtori i Bordit të Agjencisë Kosovare të Privatizimit, Petrit Gashi, ka thënë për Radio Evropën e Lirë se që nga fillimi i procesit janë privatizuar vetëm 50 për qind e ndërmarrjeve shoqërore.
Ai shprehet se do të ishte mirë që AKP-ja të mbyllet për periudhën tre vjeçare, për shkak të kostos që bart, por kjo, sipas tij, është e pamundur.
“Prej mbi 500 ndërmarrjeve, deri më tani procesi ka përfunduar për shtatë prej tyre, kurse për dy të tjera pritet që të përfundojë në muajt në vijim. Rreth 460 asete të ndërmarrjeve janë në proces të likuidimit. Në total si astete, ne administrojmë ose presim që të shiten rreth 1,700 sosh”.
“Këto shifra flasin që mbi 50 për qind e pronave nuk janë trajtuar ende, çka do të thotë se është e pamundshme që ne të përfundojmë procesin për tre vite. Menaxhmenti jonë është duke punuar shume në një strategji dalëse të agjencisë dhe – sipas analizave fillestare – një plan më real do të ishte mes 5 ose 7 vitesh, së paku që agjencia t’i mbyllë punët”, shprehet Gashi.
Zyrtarë qeveritarë kanë deklaruar për Radion Evropa e Lirë se Qeveria e Kosovës së shpejti pritet të dërgojë në Kuvend ligjin i cili parasheh mbylljen e Agjencisë Kosovare të Privatizimit dhe përmbylljen e procesit të privatizimit të ndërmarrjeve shoqërore.
Ky ligj do të përcaktonte kohën se kur do të përfundonte procesi i privatizimit.
Aty ishte përmendur afati kohor 2 apo 3 vjeçar.
Edhe Petrit Gashi nga Agjencia e Privatizimit e pranon se gjatë takimeve me zyrtarë të institucioneve të Kosovës, vazhdon të përmendet ky afat kohor.
Por, ai thotë se është e pamundur të përfundohen të gjitha punët, për shkak se vonesa – në këtë kuadër – mund të paraqiten edhe nga Dhoma e Posaçme e Gjykatës Speciale.
“Korniza institucionale e procesit të privatizimit nuk e mbulon vetëm agjencinë, por edhe Dhomën e Posaçme të Gjykatës Speciale, dhe në gjendjen në të cilin është kjo Dhomë, aty do të jenë vonesat. Ne si Agjenci do t’i kryejmë punët tona deri në 5 ose 7 vite. Por, jemi në një fazë ku po provojmë të vijmë me një plan, me një afat kohor optimal, që ta përmbyllim procesin”, shprehet Gashi.
Por, ekspertë për çështje ekonomike e konsiderojnë të palogjikshme kërkesën e funksionimit të AKP-së edhe për shtatë vite.
Mbyllja e kësaj agjencie për një periudhë më të shkurtë do të kontribuonte edhe në ekonominë e vendit, thotë Ismail Kastrati, ish-kryetar i Odës Ekonomike të Kosovës.
Më tutje ai shprehet se ndërmarrjet e mbetura, duhet të shkojnë përmes procesit të likuidimit.
“Logjika është se sa më shpejtë të mbyll funksionin AKP-ja, më mirë është edhe për ekonominë e Kosovës, sepse AKP një pjesë të mirë të mjeteve nga privatizimi po i gllabëron vet. Ka një administratë të madhe dhe të shtrenjtë e cila sigurisht që kërkon mjete për të ekzistuar dhe funksionuar për një kohë sa më të gjatë”, thotë për Radion Evropa e Lirë, Ismail Kastrati.
Pavarësisht, periudhës kohore kur mund të përfundojë procesi i privatizimit, ky proces në Kosovë, nga ekspertë të ndryshëm për çështje ekonomike, është konsideruar i pasuksesshëm dhe nuk ka mundur të arrijë objektivat e veta ekonomike. /Telegrafi/
Promo
Reklamo këtuLufta Prigozhin - Putin
Më shumëNga qershori Aeroportit të Prishtinës i shtohet edhe një linjë e re fluturimi
Një epokë e re e transformimit digjital: IPKO prezanton pakot PRIMA dhe aplikacionin IPKO TV
Relaksim në përjetësi, me “Holiday In 2” t’gjitha i ki
Fito udhëtim në çift me IP Petrol!
Respekti dhe vlerësimi i punëtorëve refletojnë në suksesin e Emona Center
Prime Travel pjesë e panairit të turizmit ATM në Dubai – e pranishme edhe në Paris Hilton Host Party
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe