Shteriev: Investitorët nuk parashikuan se do të ketë luftë në Ukrainë

Ajo që i ka zënë investitorët në bursat botërore dhe të Maqedonisë janë faktorët joekonomikë, gjegjësisht lufta në Ukrainë. Historikisht, investitorët rrallë kanë parashikuar konflikte ushtarake në të kaluarën. Kjo ndoshta sepse investitorët janë njerëz racionalë dhe nuk besojnë se dikush do të shkaktojë konflikte të tilla. Të gjitha i gjeti, thotë drejtori ekzekutiv i Bursës së Maqedonisë, Ivan Shteriev.

Sipas tij, tregtimi në bursa, në nivel global dhe rajonal, por edhe lokal këtë vit zhvillohet në rrethana shumë komplekse dhe të ndjeshme, me një mjedis specifik.

“Në rajon rënia e bursës tonë është diku minus 5 përqind, në Bullgari, Kroaci, Slloveni me minus 6, minus 7, minus 11. Pra të gjitha bursat reaguan ndaj një faktori joekonomik – konfliktit ushtarak, i cili është më e vështira për t’u parashikuar se çfarë do të ndodhë dhe tregtimi i aksioneve është në fakt vlerësimi i sotëm i investitorëve se çfarë “cash flow” do të kenë kompanitë në të ardhmen. Në kushte të tilla është normale që investitorët kudo dhe jashtë dhe në vendin tonë të jenë më të kujdesshëm, disa prej tyre të shesin edhe pse nuk kanë planifikuar të shesin”, tha Shteriev.

Rënia më e vogël e Bursës së Maqedonisë, siç tha ai, është për faktin se bursat më të vogla kanë ekzistimin e përbashkët të të ashtuquajturit kufijtë statikë të çmimeve./Telegrafi/