Shtëpia tetë milionë funte e Rita Orës në Londër po i nënshtrohet rinovimeve të mëdha

Rita Ora mund të ketë kaluar pjesën më të madhe të vitit të kaluar në ShBA dhe Australi, ku punoi në “The Voice Australia”, por ajo po planifikon t’i lëshojë rrënjët në Mbretërinë e Bashkuar pasi ka investuar në një shtëpi në Londër.

Ylli i “The Masked Singer” shpenzoi 7.5 milionë funte në një rezidencë me gjashtë dhoma gjumi të renditur në klasën II në Primrose Hill në shkurt 2021, dhe që atëherë i është dhënë leja e planifikimit për të kryer rinovime në pronë.

Rita, 31 vjeçare, po planifikon të modernizojë shtëpinë dhe të shtojë një sërë veçorish sigurie, duke përfshirë një dhomë paniku dhe një sistem CCTV të teknologjisë së lartë që zakonisht gjendet në aeroporte.

Shtesa të tjera në pronë përfshijnë një dush të ri dhe dhomë të zhveshjes, një oxhak në dhomën e gjumit dhe një qilar.

Nuk është çudi që siguria është një prioritet për Ritën, të cilës ish-shtëpia iu grabit në vitin 2015, shkruan Hello Magazine.

Lexo po ashtu Si të ishte një vendase në Australi, Rita Ora shihet e lumtur teksa shëtit nëpër Sydney dhe përshëndetet me qytetarët e thjeshtë

Një raport zyrtar kur Rita aplikoi për leje planifikimi thoshte: “Për shkak të suksesit, famës, pasurisë dhe ekspozimit ndaj publikut dhe medias, e gjithë kjo e lë atë të hapur ndaj rreziqeve/synimeve të panjohura të liga”.

View this post on Instagram

A post shared by RITA ORA (@ritaora)

“Janë dy dhoma që mund të përdoren si një dhomë e sigurt ku klienti mund të shkojë si strehë e fundit e sigurt. Dera duhet të jetë e fortë me bravë të mirë dhe cilado dhomë të zgjidhet duhet të ketë mbulim të mirë të telefonit celular”.

Rita rrallë ndan foto nga shtëpia e saj në rrjetet sociale, por qartë ka një sy për dizajnin e brendshëm dhe madje ka koleksionin e saj të pajisjeve shtëpiake. Këngëtarja zbuloi koleksionin në shkurt 2020, me gjashtë dizajne të ndryshme luksoze të shtratit të frymëzuar nga stili i saj.

“Brendësia është një pasion i imi dhe ka qenë kënaqësi të mund të përfshij gjërat e mia të preferuara në dizajnë. Meqenëse kam një orar të ngjeshur, më pëlqen të pushoj në shtrat të bukur dhe koleksioni përfshin luksin, stilin dhe rehatinë”, shtoi ajo. /Telegrafi/

View this post on Instagram

A post shared by RITA ORA (@ritaora)