LAJMI I FUNDIT:

Shpërthim i minave tokësore në Siri – të paktën 11 të vdekur, përfshirë pesë fëmijë

Shpërthim i minave tokësore në Siri – të paktën 11 të vdekur, përfshirë pesë fëmijë

Njëmbëdhjetë njerëz u vranë dhe dhjetëra u plagosën kur kamioni i tyre u përplas me një minë tokësore pranë qytetit jugor të Sirisë, Daraa.

“Njëmbëdhjetë persona, duke përfshirë pesë fëmijë nën 16 vjeç dhe tre gra, u vranë ndërsa rreth 34 njerëz u plagosën” në shpërthim, njoftoi Observatori Sirian për të Drejtat e Njeriut, duke shtuar se disa ishin në gjendje kritike.

Shumica e viktimave ishin punëtorë që korrnin grurë, njoftoi agjencia zyrtare e lajmeve siriane, SANA.

Rastet e fundit e dërgojnë në 124 numrin e përgjithshëm të njerëzve të vrarë nga mbetjet e eksplozivëve që nga fillimi i vitit 2022, sipas Observatorit me qendër në Britani, i cili mbështetet në një rrjet të gjerë burimesh në Siri.

Eksplozivët e lënë nga të gjitha anët në fusha, përgjatë rrugëve apo edhe në ndërtesa në konfliktin dhjetëvjeçar të Sirisë kanë plagosur mijëra civilë dhe kanë vrarë qindra të tjerë.

Në të gjithë vendin, rreth gjysma e popullsisë vlerësohet të jetë duke jetuar në zona të kontaminuara nga municionet e pashpërthyera, sipas Kombeve të Bashkuara.

Në vitin 2020, Siria kapërceu Afganistanin si vendi me numrin më të madh të viktimave të regjistruara nga minat tokësore dhe mbetjet shpërthyese të luftës, me 2,729 njerëz të vrarë ose të plagosur.

Lufta e Sirisë vlerësohet të ketë vrarë gati gjysmë milioni njerëz dhe zhvendosur miliona të tjerë që kur filloi me një shtypje brutale të protestave antiqeveritare në vitin 2011. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Organizata Botërore Meteorologjike: Ky është një alarm i kuq për botën

Organizata Botërore Meteorologjike: Ky është një alarm i kuq për botën

Botë
Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja

Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja

Bosnja
Derri i egër u shfaq nga hiçi dhe e sulmoi një burrë në Kinë - pamjet dramatike shfaqen në platformat sociale

Derri i egër u shfaq nga hiçi dhe e sulmoi një burrë në Kinë - pamjet dramatike shfaqen në platformat sociale

Azia
Kalo në kategori