Nga: Peter Gabriel (kënga “The Barry Williams Show”, albumi “Up”, 2002)
Përktheu: Agron Shala

njí burrë n’dritare
njí çikë n’banak
p’e shoh qí sytë kokërr i kanë
kur p’e dinë qí kush jam
t’kam pa n’televizor
t’kam pa unë n’atë shou
ti njerzit njiher i tranon
e mandej m’u shprazë i lejon

para shout i marrim me t’mirë
kem’ keqardhje e kujdes
publikun e tërbuem e mbajmë n’kontroll
derisa drita e kuqe nuk thotë “n’transmetim”
a po i sheh fetishistët e lëkurës
t’mbuluem fund e krye
a i vërejte ata ngacmues t’fëmijëve
se kurrkush tjetër aty s’merr pjesë

çfarë shou, ky Shou i Beri Uilliamsit
çfarë shou
njí shfrenim abnormal
veç kjo u dasht për suksesin tem
sa ma shumë dhimbje qí durojnë ata
aq ma i sigurt je që shou po dhez’
âsht koha pra për spektakël

e kam namin e kirurgut
se premjen s’un po e niejnë
duket si shumë e thjeshtë
ama n’fakt âsht art
studion tonë p’e quejn “spital”
qí prej t’smutve pare marrin ata
na veç lejojmë njerëzit vetja me kanë
tjetër marifet k’tu s’ka

“i dashtuni ma ka marrë dashnoren”
“ishin po vazhdoj me e rreh”
“po du me e vra kojshinë”
“çika jem po shet seks”
“i dashtuni sadomazohist po m’lindon”
“e dashtuna jem âsht bâ burrë”
“përdhunuesin e bijës p’e du”
“jeta teposhtë po m’shkon rrokotel”

çfarë shou, ky Shou i Berri Uilliamsit
çfarë shou
njí shfrenim abnormal
veç kjo u dasht për suksesin tem
e kur grushtat nisin me u shpërnda
shikueshmëria shkon n’hava
asht koha pra për spektakël

ajo çikë marre s’ka
asnji reagim n’ftyrën e saj
s’e besoni komplotin qí e ka menu
kështu qí e lanë vendin me ma nxanë mu
epo asnji njeri ishull s’âsht
asnji njeri det nuk âsht
ama shfaqja e kësaj ndjenje
munet gjithçka po jo me m’fut n’dhé mu

çfarë shou, oh çfarë shou
në shoun tem, Shoun e Berri Uilliamsit
âsht shou jem
çfarë shou
njí shfrenim abnormal
veç kjo u dasht për suksesin tem

televizioni ma i miri qí e keni pa
ku njerëzit i thojnë gjanat qí tamam i menojnë
e ndigjoj emnin tem, e ndigjoj gjamën
edhe njí herë skenën po e pushtoj
edhe njí Shou i Berri Uilliamsit
kena me t’çue, atje ku don me shkue
âsht koha pra për spektakël

hajdeni pra
hajdeni pra