Shkencëtarët australianë nisin provat për dy vaksina të mundshme

Shkencëtarët në Australi kanë nisur testimin në laboratorë të dy vaksinave të mundshme kundër coronavirusit

Agjensia kombëtare e shkencës në Australi do të shohë në vijim nëse vaksinat funksionojnë dhe nëse janë të sigurta për njerëzit.

Vaksinat e bëra nga Universiteti i Oxford-it dhe kompania amerikane Inovio Pharmaceutical janë përgatitur për t’u provuar tek kafshët me aprovim të OBSH-së.

Momentalisht në botë ka shumë vaksina të tjera që po zhvillohen me shpejtësi të jashtëzakonshme. Ekspertët australianë thonë se ky është testi i parë gjithëpërfshirës i vaksinës që do të përdoret fillimisht tek kafshët.

Sa kohë do të duhet për një përgjigje?

Normalisht një vaksinë kërkon 1 deri në 2 vite për të parë nëse funksionon, por shkencëtarët kanë arritur ta shkurtojnë kohën deri në disa muaj.

Si do të funksionojë?

Deri më tani, provat e para janë bërë tek disa lloje gjitarësh, pasi është provuar se edhe ata infektohen nga coronavirusi në të njëjtën mënyrë si njerëzit.

Rezultatet e parë nga provat mbi kafshët do të merren në fillim të qershorit.

Nëse përfundimet janë të suksesshme, vaksina do të zhvendoset në çdo laborator për provat e tjera.

Burimi: BBC