Javën që po lëmë pas presidentja e vendit, Vjosa Osmani ka shkarkuar nga pozita e kryetares së Komisionit Qendror të Zgjedhjeve, Valdete Dakën, ndërsa ka emëruar Kreshnik Radoniqin në këtë pozitë.
Po javën që po lëmë, Kuvendi i Kosovës ka emëruar anëtarët e rinj të Këshillit Shtetëror të Cilësisë, të Komisionit për dhënien e Provimit të Jurisprudencës, është bërë zgjedhja e kryesueses së Komisionit në Autoritetin Rregullator për Shërbimet e Ujit, zgjedhja e komisionerit në Agjencinë për Informim dhe Privatësi.
Të martën, më 15 qershor është mbajtur takimi ndërmjet kryeministrit Albin Kurti dhe presidentit të Serbisë, Aleksander Vuçiq në Bruksel. Në këtë takim u tha se pati ofendime nga pala serbe.
Shkarkimi i Valdete Dakës
Javën që po lëmë pas, presidentja e Kosovës, Vjosa Osmani e ka shkarkuar Valdete Dakën nga pozita e kryetares së KQZ-së.
Në arsyetimin e Presidentes, thuhet se kryesuesi i KQZ-së duhet të jetë i pavarur.
“Znj. Valdete Daka i ndërpritet mandati si Kryesuese e Komisionit Qendror të Zgjedhjeve të Republikës së Kosovës. 2. Vendimi hyn në fuqi në datën e nënshkrimit”, thuhej mes tjerash në vendim.
Presidentja Vjosa Osmani gjatë ditës kishte kërkuar sot nga kryetarja e Komisionit Qendror të Zgjedhjeve, Valdete Daka që të dorëhiqet nga pozita e saj në këtë institucion.
Pas shkarkimit të Dakës, presidentja ka emëruar gjyqtarin Kreshnik Radoniqi si kryesues të ri të Komisionit Qendror të Zgjedhjeve.
Organizatat e shoqërisë civile, kanë kundërshtuar vendimin e Presidentes së vendit, Vjosa Osmani-Sadriu, për shkarkimin e kryetares së KQZ-së, Valdete Daka.
“Ky vendim konsiderojmë se është i motivuar politikisht, si rezultat i ndërrimit të pushtetit në Kosovë pas zgjedhjeve të fundit”, thuhet në komunikatën e disa organizatave të shoqërisë civile.
“Bazuar në vendimin për shkarkim, ne vlerësojmë që argumentet e shtruara nga Presidentja janë të pabazuara dhe paraqesin keqinterpretim të situatave përkatëse. Mes tjerash, kryetares së KQZ-së i atribuohen ekskluzivisht të gjitha përgjegjësitë dhe dështimet e supozuara të KQZ-së, përkundër faktit që Kryetarja e KQZ-së është vetëm një nga njëmbëdhjetë anëtarët me të drejtë vote”.
Kundër shkarkimit janë shprehur edhe partitë opozitare.
Kurti në Bruksel: Tri nga katër propozimet tona u refuzuan, takimi i radhës do të jetë para 25 korrikut
Kryeministri i vendit, Albin Kurti është deklaruar për media pas takimit që pati në Bruksel me presidentin e Serbisë, Aleksander Vuçiq.
Kurti në një deklaratë për media ka thënë se çështja e të pagjeturve nuk pret dhe duhet të trajtohet.
Kryeministri i Kosovës, Albin Kurti deklaroi se tri nga katër propozimet e tyre në takimin e Brukselit janë refuzuar nga pala serbe.
Ai ka deklaruar se për njërin nga katër propozimet ata nuk dhanë asnjë përgjigje. Kurti tha se takimi i radhës pritet të mbahet para 25 korrikut
Propozimet e Kurtit:
Gjashtë shtetet e Ballkanit Perëndimor e avansojnë CEFTA-n në SEFTA (South-East European Free Trade Agreement) sipas modelit të EFTA-EEA, pra marrëveshje çfarë Lihtenshtajni, Norvegjia dhe Islanda kanë me BE-në.
Kosova dhe Serbia menjëherë nënshkruajnë një marrëveshje të përbashkët të paqes duke u zotuar se nuk do ta sulmojnë njëra-tjetrën. Kjo është e rëndësishme tani si asnjëherë më parë, një ditë pas Samitit të NATO-s në Bruksel dhe porosive unanime që u dhanë aty.
Pas njohjes së ndërsjelltë midis Republikës së Kosovës dhe Republikës së Serbisë, në të dy vendet tona do të kemi reciprocitet bilateral, përfshirë çështjen e pakicave këtu. Pra, serbët në Kosovë mund të kenë Këshillin e tyre Nacional siç e kanë shqiptarët dhe boshnjakët në Serbi.
Për çështjen e të pagjeturve, të të zhdukurve me dhunë, duhet larguar nga pozita që ka dhe duhet marrë në pyetje kreun e delegacionit serb, z. Veljko Odaloviq, i cili në vitet 1997-1999, ishte “naçelnik i qarkut të Kosovës”, dhe udhëhiqte me Kosovën e okupuar bashkë me z. Zoran Angjelkoviq.
Ndryshe, përfaqësuesi Special i BE-së për dialogun Kosovë-Serbi, Miroslav Lajçak ka deklaruar se takimi i mbajtur në Bruksel mes kryeministrit të Kosovës, Albin Kurti dhe presidentit të Serbisë, Aleksandar Vuçiq nuk ishte i lehtë, por është e rëndësishme që është mbajtur një takim i tillë.
Të gjitha vendimet që u miratuan në seancën e Kuvendit
Votimi i Projektligjit për ndryshimin dhe plotësimin e Ligjit për Automjete, emërimi i anëtarëve të rinj të Këshillit Shtetëror të Cilësisë, emërimi i anëtarëve të Komisionit për dhënien e Provimit të Jurisprudencës, zgjedhja e kryesueses së Komisionit në Autoritetin Rregullator për Shërbimet e Ujit, zgjedhja e komisionerit në Agjencinë për Informim dhe Privatësi, janë vendimet që u miratuan në seancën e fundit plenare të Kuvendit të Kosovës.
Edhe seanca e së enjtes u karakterizua me replika të ashpra mes deputetëve të opozitës, ministrave të kabinetit qeveritar dhe deputetëve të pozitës. Përplasjet filluan atëherë kur Partia Demokratike e Kosovës kërkoi nga ministrja e Drejtësisë, Albulena Haxhiu që të tërheq emrat për anëtarët e Komisionit për dhënien e Provimit të Jurisprudencës dhe të propozojë anëtarë të rinj.
Përkundër kundërshtimeve, me 70 vota për, 1 kundër dhe asnjë abstenim Kuvendi i Kosovës emëroi anëtarët e Komisionit për dhënien e provimit të Jurisprudencës.
Emrat e rinj të Komisionit për dhënien e Provimit të Jurisprudencës të miratuar në Kuvend janë: Albert Zogaj, Drita Rexhaj,Valbona Dishaj-Haxhosaj, Afrim Shala, Zenel Leku, Edijesa Zahiri, Halide Reka, Bajram Miftari, Hajriz Hoti dhe Nenad Lazic.
Me 63 vota për, 9 kundër dhe asnjë abstenim u miratua edhe propozimi i Qeverisë së Kosovës për emërimin e anëtarëve të rinj të Këshillit Shtetëror të Cilësisë të Agjencisë Kosovare të Akreditimit.
Anëtarët e rinj të Këshillit Shtetëror të Cilësisë: Hasnije Ilazi, Gëzim Tosuni, Krenare Pireva-Nuçi, Seb Bytyçi , Alison Felce, Cassie L. Bernhardt, Werner J. Stueber.
Në seancën e së enjtes është zgjedhur edhe kryesuesja e Komisionit Shqyrtues në Autoritetin Rregullator për Shërbimet e Ujit.
Kryetare e Komisionit Shqyrtues në Autoritetin Rregullator për Shërbimet e Ujit është zgjedhur Albana Luta.
Po ashtu, deputetët kanë votuar edhe për zgjedhjen e komisionerit të Agjencisë për Informim dhe Privatësi.
Krenare Sogojeva-Dermaku është zgjedhur komisionere e Agjencisë për Informim dhe Privatësi, duke marrë votat e nevojshme në Kuvendin e Kosovës.
Sogojeva-Dermaku mori 65 vota nga 72 deputetë që ishin të pranishëm në seancë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
OSBE/ODIHR sot do të shpallë rezultatet fillestare për zgjedhjet presidenciale
Fitim Doda ndalohet për vrasjen në tentativë në rrugën ‘Haxhi Zeka’, prokuroria kërkon paraburgim
U arrestua për sulm fizik ndaj një vozitëse dhe kanosje ndaj vozitësit tjetër, Policia jep detaje të rastit në Prishtinë
KSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Takimi i Kurtit me ndihmësekretarin amerikan, O’Brien, deklarata pas takimit dhe çështja e Asociacionit
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Del rezultati përfundimtar në Gostivar, këto janë rezultatet
Rezultatet e para përfundimtare në Tetovë, këto janë rezultatet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën