Shitet vetura e rrallë Aston Martin V8 Zagato që dikur i përkiste “Mr. Bean”

Aston Martin V8 Zagato, që dikur i përkiste aktorit të madh britanik Rowan Atkinson i njohur për rolin e Mr. Bean, është ofruar për shitje.

Prej vitesh Aston Martin dhe Zagado kanë bashkëpunuar në projekte unike që i kanë prezantuar si “vepër arti” siç është modeli V12 Vantage Zagato, që R-Forged e “riktheu” në jetë në serinë e Continuation, transmeton Telegrafi.

Aston Martin gjithashtu po shënon ditëlindjen e 100-të të Zagato, duke sjellë koleksionin DBZ Centenary që tashmë është shitur.

Fjala është për DB4 GT Zagato Continuation dhe DBS GT Zagato, që tashmë kanë pronarët e tyre të rinj.

Megjithatë në treg është shfaqur një veturë tejet interesante, legjendari Aston Martin Vantage Zagato që më herët i kishte takuar komedianit Rowan Atkinson.

Kjo veturë u prodhua në vitin 1986 dhe ishte i veçantë për shkak të specifikave unike. U prodhuan vetëm 50 njësi, e secili prej tyre është lyer me ngjyrë të kuqe.

Vetura i ishte dërguar pronarit të parë në vitin 1986, ndërsa i dyti e bleu në vitin 1989. Më pas përfundoi në pronësi të Atkinson në vitin 1999, që dëshironte ta përdorte në gara.

Për ta shndërruar V8 Vantage në veturë sportive, aktori angazhoi kompaninë Aston Martin Works Service që t’i kryej disa modifikime dhe ta bëjë gati për AMOC C2 Class “Mildly Modifies”.

Ky është i vetmi V8 Zagato që Aston Martin Works e përgatiti për pista, dhe për këtë konsiderohet si një prej më të rrallëve dhe më të kërkuarve në botë.

Për t’i zvogëluar peshën, janë vendosur panele të lehta dhe dritaret Perspex, e motori u modifikua. Fuqia motorike u rrit në 475 kuaj-fuqi. /Telegrafi/