Shikoni këto pesë gjëra kur blini një parfum për ta kuptuar nëse është origjinal

Çfarë saktësisht ka në shishet e parfumeve? A janë kopjet e parfumit të mrekullueshme dhe a mund të kenë aromë të ngjashme me origjinalet?

Për prodhimin e kopjeve mund të përdoren përbërës të dëmshëm, alkool me cilësi të ulët, kimikate të paqëndrueshme, ujë me cilësi të dobët, alumin, arsenik, antifriz. Si pasojë e përdorimit, mund të shfaqen probleme të ndryshme të lëkurës, të tilla si aknet, skuqjet, infeksionet e syve, alergjitë.

Nëse shikojmë me kujdes paketimin e parfumeve, në shumë prej tyre mund të shohim nëse është një kopje.

Ndaj, më poshtë ua sjellim pesë këshilla që duhet t’i mbani mend gjithmonë:

Paketimi

Shumica e origjinaleve kanë celofan dhe një kuti që përmban parfum. Celofani duhet të shtrëngohet plotësisht rreth kutisë. Emri i saktë i parfumit, emri i kompanisë dhe lista e përbërësve duhet të shkruhen në kuti, dhe një bar kod duhet të gjendet gjithashtu në fund të kutisë.

Shishja

Nëse shishja ka të meta të dukshme, çarje dhe gërvishtje, mund të mendoni se është një parfum i rremë. Ai gjithashtu duhet të ketë të njëjtin informacion si në paketim, emrin e markës, emrin e aromës dhe numrat serikë.

Kapaku

Kontrolloni pamjen e kapakut të shishes, a ka dekorime dhe si janë bërë ato? Te parfumet e rremë, kapakëve nuk iu kushtohet shumë vëmendje.

Lëngu i parfumit

Lëngu i parfumit origjinal duhet të jetë kristal i qartë.

Tubi i sprejit

Me një parfum të ri, tubi nëpër të cilin duhet të kalojë parfumi është bosh. Një parfum i ri duhet të jetë i pa përdorur. Është e nevojshme të shtypni sprejin dy herë, në mënyrë që të mbushni tubin dhe të shpërtheni parfumin.