Përfaqësuesja Speciale e Sekretarit të Përgjithshëm Caroline Ziadeh, në fjalimin e saj të fundit në Këshillin e Sigurimit, tha se udhëheqësit në Prishtinë dhe Beograd duhet të ndërmarrin hapa të përgjegjshëm për të rindërtuar besimin në normalizimin e marrëdhënieve.
Duke folur në lidhje me marrëveshjet e rëndësishme të arritura nga palët, shefja e UNMIK-ut u tha anëtarëve të Këshillit të Sigurimit në raportimin e saj të fundit për Kosovën, që mbahet dy herë në vit, se mungesa e një përkushtimi të dukshëm nga liderët politikë mund të ketë pasoja të drejtpërdrejta në stabilitetin rajonal.
“Një përqëndrim i vazhdueshëm i vëmendjes në parimet dhe deklaratat e pohuara bashkërisht më 27 shkurt në Bruksel dhe të shtjelluara më tej më 18 mars në Ohër, duhet të shoqërohen me një udhëheqje të guximshme.”
Duke vënë re vazhdimin e provokimeve dhe ankesave, PSSP Ziadeh tha se përmirësimi i raporteve kërkon rindërtim të besimit “[nga] ata që kanë ngritur dyshime për qëllimet e secilës palë”.
Ajo gjithashtu inkurajoi liderët që të komunikojnë qartë dhe në vazhdimësi me zgjedhësit e tyre mbi çështjet që prekin jetesën, paanshmërinë e institucioneve gjyqësore dhe mbrojtjen e të drejtave të njeriut.
“Ofrimi i garancive është i nevojshëm për të zëvendësuar ndjenjat e mosbesimit dhe paqartësisë që ndjejnë banorët në të dyja anët e lumit Ibër. Retorika akuzuese duhet të shmanget dhe frika të zëvendësohet me shembuj konkret për besim dhe optimizëm.”
Shefja e UNMIK-ut theksoi mbarëvajtjen e zgjedhjeve të jashtëzakonshme më 23 prill. Në të njëjtën kohë, ajo tha se duhet të adresohen dilemat rreth përfaqësimit, dhe u bëri thirrje liderëve dhe institucioneve të zgjedhura që të përmbushin interesat e të gjitha komuniteteve.
Shikuar drejtë së ardhmës, PSSP Ziadeh shpreson se miratimi i pritshëm i një Deklarate të përbashkët për Personat e Zhdukur do të mundësonte rifillimin e bashkëpunimit të plotë ndërmjet Prishtinës dhe Beogradit në Grupin Punues për Personat e Zhdukur.
“Kjo do t’u siguronte familjarëve nga të dyja palët, mundësinë të marrin përgjigje për më të dashurit e tyre.”
Ajo gjithashtu bëri thirrje për një “shqyrtim në mirëbesim” të Draft Statutit për Asociacionin/Bashkësinë e komunave me shumicë serbe.
PSSP Ziadeh foli gjithashtu për takimet dhe komunikimin e saj me përfaqësuesit e shoqërisë civile dhe të institucioneve politike:
“Ndjenjat që kam hasur më së shpeshti janë ato të zhgënjimit dhe shqetësimit, nga një e ardhme e pasigurt. Megjithatë shoh edhe frymën dhe vullnetin për të punuar në krijimin e një realiteti më të mirë. Kjo është diçka që ne e vlerësojmë, derisa punojmë së bashku me të gjithë që përpiqen të arrijnë ndryshime pozitive dhe të prekshme.”
Duke folur për punën e misionit, PSSP Ziadeh theksoi se ky vit shënon përvjetorin e pestë të agjendës së UNMIK-ut për ndërtimin e mirëbesimit, qëllimet e së cilës janë: promovimi i dialogut në mes të komuniteteve, qëndrueshmëria dhe mirëbesimi ndërmjet komuniteteve.
“Ndërtimi i mirëbesimit mund të ndihmojë në qartësimin e rrugës drejtë normalizimit politik. Marrëveshjet politike kanë nevojë për një vend ku mund të zhvillohen. Këto qasje, së bashku përbëjnë rrugën e mirëfilltë, drejtë një të ardhme më të qëndrueshme, paqësore dhe më të ndritur”, tha ajo.
Në fund, PSSP Ziadeh konfirmoi sërish përkushtimin e UNMIK-ut, në mbështetje të progresit dhe komuniteteve të Kosovës.
“Këtë do ta bëjmë me shpresën se zgjidhjet e bëra nga liderët politikë – dhe përmbushja e detyrimeve dhe angazhimeve të tyre – do të çojnë drejt mundësive më të mëdha për një gjeneratë që meriton më shumë.”
Lufta Prigozhin - Putin
Më shumëEkipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
"Daily Mail" shkruan për kosovarin me nënshtetësi angleze që po mbahet në një burg ferri në Serbi
Gashi: Mandatori i ardhshëm për kryeministër duhet së pari të flasë me ne
Pasuria e kryetarit të Suharekës e deklaruar në Agjencinë për Parandalimin e Korrupsionit
Hyri ilegalisht nga Serbia në Kosovë, policia ndalon të dyshuarin
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur