Shefi i Bankës Evropiane për Rindërtim dhe Zhvillim për rajonin e Ballkanit Perëndimor, Matteo Colangeli në një intervistë të shkruar për Telegrafin ka thënë se rritja ekonomike e Kosovës për vitin 2022 nuk do të jetë më shumë se 4 për qind.
Colangeli shprehet se projeksionet për rritje ekonomike mund të janë më të dobëta, duke u bazuar nga të dhënat e fundit makroekonomike.
“Derisa mundësia për rimëkëmbje ekonomike u ngushtua pas rimëkëmbjes së fortë dyshifrore të Kosovës në vitin 2021, rritja ekonomike u moderua në gjysmën e parë të vitit 2022 dhe do të përballet me ndryshime të rëndësishme me ngadalësimin e aktivitetit botërore”, shprehet Colangeli.
“Ne parashikojmë që ekonomia e Kosovës të rritet me 4 për qind në vitin 2022 dhe 3.7 për qind në vitin 2023, sipas projeksionit të fundit në shtator, megjithëse rritja e këtij viti mund të dalë më e dobët bazuar në të dhënat e fundit makroekonomike”, shton ai.
Sipas tij, edhe pse ekonomitë e Ballkanit Perëndimor kanë ekspozim të kufizuar ndaj Rusisë, sidoqoftë ato ndikohen nga mjedisi makroekonomik botërore që po del të jetë gjithnjë e më sfidues.
“Rritja e inflacioni ka rënduar të ardhurat e disponueshme dhe kostot e inputeve të bizneseve, po ashtu kushtet e financimit po shtrëngohen botërisht dhe kostoja për importin e energjisë rëndon në llogaritë e jashtme e fiskale në mes të hapësirës fiskale më të ngushtë pas viteve të shpenzimeve të shkaktuara nga pandemia COVID-19”, thekson ai.
I pari i BERZH-it për Ballkanin është shprehur se pritet që të ketë investime nga ky institucion edhe në Kosovë.
“Ne po planifikojmë të rrisim investimet tona në Kosovë në vitet e ardhshme. Mbyllja e hendekut të infrastrukturës me pjesën tjetër të rajonit do të vazhdojë të jetë një prioritet i rëndësishëm dhe ne presim të shtojmë mbështetjen tonë për transportin (veçanërisht, hekurudhat dhe lëvizshmërinë e qëndrueshme urbane) dhe infrastrukturën mjedisore”, ka përfunduar ai.
Intervista e plotë
Telegrafi: Tani janë bërë më shumë se 8 muaj nga fillimi i agresionit ushtarak rus në Ukrainë, çfarë do të thotë kjo për ekonominë e Ballkanit Perëndimor?
Matteo Colangeli: Megjithëse ekonomitë e Ballkanit Perëndimor kanë ekspozim të kufizuar ndaj Rusisë, Ukrainës dhe Bjellorusisë për sa i përket lidhjeve të drejtpërdrejta ekonomike si tregtia, investimet dhe remitancat, ato ndikohen nga mjedisi makroekonomik botërore që po del të jetë gjithnjë e më sfidues.
Rritja e inflacioni ka rënduar të ardhurat e disponueshme dhe kostot e inputeve të bizneseve, po ashtu kushtet e financimit po shtrëngohen botërisht dhe kostoja për importin e energjisë rëndon në llogaritë e jashtme e fiskale në mes të hapësirës fiskale më të ngushtë pas viteve të shpenzimeve të shkaktuara nga pandemia COVID-19.
Kërkesa e jashtme, një shtytës i rëndësishëm i rritjes në Ballkanin Perëndimor, po tregon shenja fillestare të një ngadalësimi, ndërsa perspektiva e rritjes ekonomike në vendet evropiane dhe po bëhet më pesimiste. Megjithatë, duke marrë parasysh elasticitetin e rajoneve, ne presim që rritja ekonomike në Ballkanin Perëndimor të vazhdojë, megjithëse me një ritëm më të ngadaltë prej rreth 3 për qind në 2022 dhe 2023.
Telegrafi: Projeksionet për një ringjallje ekonomike nuk janë të mira, si do të ndikojë kjo në rajon në aspekt afatgjatë?
Matteo Colangeli: Derisa rajoni po përballet me një mjedis të jashtëm të pafavorshëm, ekzistojnë masa mbrojtëse. Ballkani Perëndimor tregoi elasticitet përmes rikthimit të fuqishëm nga pandemia COVID-19 dhe krizat e tjera të mëparshme dhe vazhdon të ruajë stabilitetin e përgjithshëm makroekonomik.
Rezistenca forcohet nga sektorë të fortë dhe të mirërregulluar bankar në të gjithë rajonin, politika monetare të kujdesshme të mbështetura nga nivelet e duhura të rezervave ndërkombëtare dhe reformat që lidhen me rrugën e rajonit drejt integrimit evropian. Ndërsa, pritjet tona afatshkurtra janë përkeqësuar në përputhje me mjedisin e jashtëm, ne nuk presim që kriza aktuale të ndikojë në perspektivat e rritjes afatgjatë të rajoneve.
Telegrafi: Projeksionet për rritje ekonomike të vendeve të Ballkanit, përkatësisht të Kosovës, nuk do të jenë më shumë se 3 për qind. Sa pritet të jetë parashikimi nga BERZH?
Matteo Colangeli: Derisa mundësia për rimëkëmbje ekonomike u ngushtua pas rimëkëmbjes së fortë dyshifrore të Kosovës në vitin 2021, rritja ekonomike u moderua në gjysmën e parë të vitit 2022 dhe do të përballet me ndryshime të rëndësishme me ngadalësimin e aktivitetit botërore.
Ne parashikojmë që ekonomia e Kosovës të rritet me 4 për qind në vitin 2022 dhe 3.7 për qind në vitin 2023, sipas projeksionit të fundit në shtator, megjithëse rritja e këtij viti mund të dalë më e dobët bazuar në të dhënat e fundit makroekonomike.
Kërkesa më e ulët nga partnerët kryesorë tregtarë, inflacioni dhe dobësitë strukturore në sektorin e energjisë janë rreziqet kryesore negative.
Telegrafi: BERZH ka vite në rajon, por cilat do të jenë projektet e planifikuara për Kosovën
Rajon?
Matteo Colangeli: Ne po planifikojmë të rrisim investimet tona në Kosovë në vitet e ardhshme. Mbyllja e hendekut të infrastrukturës me pjesën tjetër të rajonit do të vazhdojë të jetë një prioritet i rëndësishëm dhe ne presim të shtojmë mbështetjen tonë për transportin (veçanërisht, hekurudhat dhe lëvizshmërinë e qëndrueshme urbane) dhe infrastrukturën mjedisore.
Në fushën e energjisë, ne presim të nënshkruajmë këtë vit një financim historik për të futur energjinë diellore në sistemin e ngrohjes qendrore të Prishtinës. Ne gjithashtu synojmë të vazhdojmë të mbështesim autoritetet në rritjen e energjisë së rinovueshme përmes ankandeve konkurruese për të alokuar kapacitete për investitorët privatë.
Efiçenca më e madhe e energjisë është gjithashtu thelbësore për konkurrencën e ekonomisë së Kosovës. Ne planifikojmë të investojmë në mënyrë thelbësore në të gjitha segmentet në këtë fushë – nga rinovimi i ndërtesave publike dhe rezidenciale deri te ndihma e SME-ve për të zvogëluar gjurmën e tyre të energjisë. /Telegrafi/
Promo
Reklamo këtuLufta Prigozhin - Putin
Më shumëNga 26 Qershori, PrishtinaTicket shton dhe një destinacion të ri!
Shijo detin e krejt stinëve në “Holiday In 2”
Nga pushimet e punëtorëve e deri tek menaxhimi i inventarit - përmes AveHR mund t’i digjitalizoni Burimet Njerëzore
Nagip Krasniqi shkarkohet nga pozita e kryeshefit të KEK-ut
Saktësi, efikasitet dhe rehati - Ultratingulli revolucionar SonoMax 9
Mesazhet iraniane ulën çmimet e naftës në tregun botëror
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën