Botë Nga Bota Amerika

SHBA rifillon përdorimin e vaksinës Johnson&Johnson kundër Covid-19, pavarësisht rrezikut të rrallë të mpiksjes së gjakut

Para 4 vitesh

Shtetet e Bashkuara mund të rifillojnë menjëherë përdorimin e vaksinës Johnson & Johnson (JNJ.N) kundër COVID-19, thanë rregullatorët kryesorë të shëndetit të premten, duke i dhënë fund një pauze 10-ditore për të hetuar lidhjen e saj me mpiksjet e gjakut jashtëzakonisht të rralla, por potencialisht vdekjeprurëse.

Sipas Reuters, përcjell Telegrafi, Qendrat për Kontrollin dhe Parandalimin e Sëmundjeve (CDC) dhe Administrata e Ushqimit dhe Barnave thanë se rreziqet e përjetimit të sindromës që përfshijnë mpiksje të rëndë gjaku dhe trombocite të ulëta si rezultat i vaksinës ishin shumë të ulëta.

Po sipas Reuters, ata gjetën 15 raste në 8 milionë doza të dhëna.

“Ne nuk po rekomandojmë më një pauzë në përdorimin e kësaj vaksine”, ka thënë drejtori i CDC, Rochelle Walensky në një konferencë për shtyp. “Bazuar në analizën e thelluar, ka të ngjarë të ketë një lidhje, por rreziku është shumë i ulët”.

Zyrtarët e lartë të FDA të SHBA thanë që vendimi ishte efektiv menjëherë, duke hapur rrugën për të vazhduar me vaksinim që nga e shtuna.

Agjencia tha se do të paralajmëronte për rrezikun në një fletë faktesh të azhurnuar dhënë marrësve dhe ofruesve të vaksinave.

Agjencitë e morën vendimin pas një takimi të këshilltarëve të jashtëm të CDC të cilët rekomanduan që të ndërpritej “pauza e vaksinës”.

CDC and @US_FDA lift recommended pause on Johnson & Johnson (Janssen) #COVID19 vaccine use following thorough safety review. See full statement: https://t.co/yTTGfGsgSH pic.twitter.com/1kYETjWUgJ

— CDC (@CDCgov) April 23, 2021

Në një analizë të paraqitur në takim, stafi i CDC tha se rastet e sindromës që ata kishin gjetur ndodhën në një normë prej shtatë për një milion doza në gratë nën moshën 50 vjeç, me rrezikun më të lartë të ndodhur midis grave të moshës 30 deri 39.

Për gratë mbi moshën 50 vjeç dhe për të gjithë burrat, mpiksjet u shfaqën në një normë prej një në një milion doza, tregoi analiza. Në përgjithësi, kishte tre vdekje, thanë zyrtarët.

Pas një takimi një ditor, paneli CDC votoi 10-4 që vaksina J&J të përdoret siç rekomandohet tek njerëzit 18 vjeç e lart, parametrat e autorizimit aktual të FDA.

Dr. Jesse Goodman, një ekspert i sëmundjeve infektive në Universitetin Georgetown në Uashington dhe një ish-shkencëtar kryesor në FDA, tha se rreziku nuk ishte i parëndësishëm, por ende i vogël.

Ndryshe nga vaksinat mjaft efektive si Pfizer Inc (PFE.N) dhe Moderna Inc (MRNA.O), të cilat kërkojnë dy doza dhe duhet të mbahen në temperatura ultra të ftohta, vaksina e J&J mund të jepet në një dozë të vetme dhe të ruhet temperaturat rregullta të ftohjes, duke e bërë atë një mundësi më të mirë për zonat e vështira për t’u arritur. /Telegrafi/