Njohësi i proceseve politike në vend, njëherësh edhe kryetar i KMDLNJ, Behxhet Shala, ka bërë thirrje për konsensus politik për çështjet që janë në interes të vendit.
Ai ka thënë se Kosova nuk mund të shkojë përpara derisa për çështje të rëndësishme për shtetin dhe kombin nuk arrihet një konsensus politik.
Në këtë intervistë dhënë për gazetën “Epoka e re”, Shala ka thënë se gjatë sesionit pranveror Kuvendi i Kosovës pothuajse ka punuar në kushte të luftës pasi, sipas tij, vazhdimisht ka pasur përpjekje për ndërprerjen e seancave edhe me hedhje të gazit lotsjellës, si dhe ka pasur tendenca të bojkotohet puna e këtij institucioni.
Shala ka theksuar se tensioni në Kuvend mund të ngrihet sërish si pasojë e temave që kanë mbetur ende të pazgjidhura.
“Në këtë Kuvend nuk ka pasur kushte objektive për të punuar si duhet, por tash, nëse ndodhin disa zhvillime, edhe mund të ketë efikasitet më të madh në sesionin vjeshtor. Mirëpo janë disa tema, siç është demarkacioni, asociacioni dhe marrëveshjet e Brukselit, të cilat prapë mund të ndikojnë në ngritjen e tensionit në punën e Kuvendit. Kosova nuk mund të shkojë përpara derisa për çështje të rëndësishme për shtetin dhe kombin nuk arrihet një konsensus politik”, ka pohuar Shala.
Ai ka thënë se pozita, edhe pse i ka numrat, nuk mund të marrë vendime unilaterale për çështje me rëndësi shtetërore dhe kombëtare.
Mirëpo, sipas tij, edhe opozita nuk duhet të jetë aq e ngurtë, por duhet të jetë më bashkëpunuese.
Shala në këtë intervistë ka folur edhe për rekomandimin e KDI-së për krijimin e Ministrisë pa Portofol për Marrëdhënie me Kuvendin.
Sipas tij, një ministri e tillë nuk mund të ndikojë as në ngritjen e efikasitetit të punës së Kuvendit, por as në krijimin e një atmosfere më demokratike brenda Kuvendit.
“Efikasiteti i punës së Kuvendit nuk rritet me krijimin e një ministrie, por rritet me zbatimin e Rregullores së Punës së Kuvendit dhe me sanksionimin e atyre që marrin paga të pamerituara dhe nuk japin kontributin e tyre siç parashihet me këtë rregullore”, ka thënë Shala, për Epokën e Re.
Ai ka shtuar se punën e Kuvendit e rrit moskrijimi i krizave politike siç ishte kjo e fundit, e cila ka ndikuar në mbarëvajtjen e punës së Kuvendit.
Promo
Reklamo këtuLufta Prigozhin - Putin
Më shumëArratiset Enver Sekiraqa, policia ka informuar të gjitha vendkalimet kufitare
Arratisja e Enver Sekiraqes, flet avokatja e tij
Kupchan: Përgatitja për themelimin e Asociacionit, vendim i rëndë për Kosovën
Analistët: Zhvillimet rreth Këshillit të Evropës rrezikojnë të ulin ritmin e integrimit evropian të Kosovës
Nënsekretarja amerikane e Shtetit viziton trupat amerikane të KFOR-it, sheh veriun nga helikopteri
Kryeprokurori special flet për rastin e Enver Sekiraqes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare