Shakira e harron Piquen, kapet nga paparacët duke darkuar me një mashkull misterioz në bregdet

Shakira u pa duke darkuar me një burrë misterioz në Miami këtë javë – pak pasi rrëfeu se nuk ishte gati për një ‘marrëdhënie zyrtare’.

Ylli i popit 47-vjeçar u pa duke shijuar një vakt intim me shokun e saj mashkull në një ambient magjepsës me pamje romantike të oqeanit dhe horizontit, shkruan DailyMail.

Duke shfaqur këmbët e saj në top formë me një veshje me prerje të lartë, këngëtarja e hitit “Hips Don’t Lie” po i dhuronte një buzëqeshje simpatike shokut të saj të ri.

Ai u përgjigj duke u përkulur mbi tavolinë drejt saj, e cila ishte vendosur pranë parmakut, duke i dhënë privatësi çiftit.

Kjo dalje e saj vjen dy vjet pas ndarjes së shumë përfolur me yllin spanjoll të futbollit Gerard Pique, i cili u përfol se e kishte tradhtuar.

Gerard dhe Shakira ishin së bashku për 11 vjet dhe kanë dy fëmijë – djemtë Milan, 11 dhe Sasha, nëntë vjeç, përpara se të ndaheshin në vitin 2022.

Gerard dyshohet se e tradhtoi Shakirën me punonjësen e tij dhe tani të dashurën, Clara Chia, 26 vjeçe.

Kur u pyet për lidhjen e saj në qershor, Shakira u përgjigj: “Nuk po mendoj për këtë. Çfarë hapësire kam për një mashkull tani?”.

“Çfarë mund t’ju them, më pëlqejnë burrat. Ky është problemi. Nuk duhet t’i pëlqej ata me gjithçka që më ka ndodhur, por imagjinoni se sa shumë më pëlqejnë burrat që më pëlqejnë ende ata”, tha ajo për revistën Rolling Stone.

Shakira ka qenë në lidhje më parë edhe me aktorin e listës A, Tom Cruise dhe kampionin e garave në F1, Lewis Hamilton që nga ndarja e saj me Gerard.

Në mars, Shakira u pa edhe me aktorin e “Emily In Paris”, Lucien Laviscount, 32 vjeç, i cili luajti në klipin e këngës “Puntería”.

Një burim i tha DailyMail në prill se ajo dhe Lucien “po takohen me njëri-tjetrin, por nuk janë përfshirë ende shumë”.

Por Shakira këmbënguli në intervistën e fundit për Rolling Stone se nuk ishte e interesuar për një lidhje për momentin, pasi mirëqenia e fëmijëve është fokusi i saj kryesor.

“Unë mendoj se fëmijët e mi duhet të jenë shumë të përgatitur për këtë dhe mirëqenia e tyre emocionale dhe psikologjike është përparësia”, pranoi interpretuesja e hitit “She Wolf”. /Telegrafi/