Sekretari amerikan i Shtetit ka vizituar Kievin – ai është takuar me presidentin Zelensky

Sekretari amerikan i Shtetit, Antony Blinken ka vizituar Kievin, sipas një këshilltari presidencial ukrainas.

Ai u takua me Presidentin Volodymyr Zelensky dhe pritej të diskutonte kërkesën e vendit për më shumë armë për të zmbrapsur pushtimin rus, shkruan Sky News, përcjell Telegrafi.

Kjo është vizita e parë e një zyrtari të lartë amerikan që kur Rusia filloi agresionin në Ukrainë, 60 ditë më parë – dhe Zelensky e kishte njoftuar vizitën e planifikuar gjatë një konference shtypi në një stacion treni nëntokësor të shtunën.

Lexo po ashtu Është rishfaqur një video e Zelenskyt duke ‘vështruar habitshëm’ Trumpin derisa ky i fundit e sugjeron që të 'zgjidhin problemin' e tyre me Putinin

Zelensky kishte thënë se priste që amerikanët të jepnin rezultate, duke paralajmëruar: “Nuk mund të vini te ne duarbosh sot, dhe ne presim jo vetëm dhurata apo disa lloj tortash, ne presim gjëra specifike dhe armë specifike”.

Presidenti kishte thënë gjithashtu se më shumë armë do të lejonin forcat ukrainase të rimarrin “menjëherë” territoret që janë “të pushtuara përkohësisht” nga trupat ruse.

Lexo po ashtu Putin ka humbur interesin për bisedime, për t'i dhënë fund luftës në Ukrainë

Duke konfirmuar se takimi kishte ndodhur, këshilltari presidencial Oleksiy Arestovych i tha një stacioni televiziv ukrainas: “Le të shpresojmë se diçka do të vendoset për ndihmën e mëtejshme.”

Ndërsa Perëndimi ka dërguar pajisje ushtarake në Ukrainë, Zelenskyy ka theksuar vazhdimisht se vendi i tij ka nevojë për më shumë armë të rënda, duke përfshirë sistemet e mbrojtjes ajrore me rreze të gjatë dhe aeroplanë luftarakë. /Telegrafi/