Sindikata e Bashkuar e Arsimit, Shkencës dhe Kulturës (SBAShK) thotë se nuk është koha të diskutohet për kompensim të orëve, por duhet të bëhet zgjidhje.
Sipas tyre, deklarimet se duhet të kompensohen orët e humbura, kanë për qëllim presionin ndaj mësimdhënësve në mënyrë që të ndërpritet greva.
Nesër punëtorët e sektorit të arsimit hyjnë në javën e tretë të grevës. Ata po bojkotojnë mësimindhënien për shkak që kërkesa e tyre për rritje të koeficientit nuk ka gjetur zbatim.
SBAShK ka zgjedhur grevën si presion për një ligj që sipas tyre rrit barazinë në paga.
Ymer Ymeri, menaxher i financave në SBAShK, thotë për KosovaPress se grevën e ndalin vetëm nëse tërhiqet projektligji për pagat.
“Kaluan dhjetë ditë grevë, asnjëherë nuk jemi ulë me biseduar për mënyrën e gjetjes së zgjidhjes. Na u ka ofruar oferta e shkruar, ndaqi merrne, ndaqi lene, as për atë ofertë nuk kemi negociu. Nuk kanë tentue me na bind, Qeveria, që oferta është e fundit, siç po thonë dhe nuk ka mundësi zgjidhje. Jemi të bindur që ka mundësi zgjidhje brenda buxhetit aktual, pa rrit buxhet, pa kërkuar rritje të buxhetit. Nuk po kërkojmë rritje të pagave, por po kërkojmë rritje të vendit meritor, të koeficientit”, thotë ai.
E kryeministri i vendit, Ramush Haradinaj, ditët e fundit është deklaruar disa herë për grevën, ku ndër të tjera ka thënë se këto orë të humbura duhet të kompensohen pastaj.
Sipas Ymerit, deklarime të tilla kanë për qëllim të bëjnë presion tek mësimdhënësit që të ndërpresin grevën.
“Deklarimet se do t’i zëvendësoni ditët gjatë verës, janë deklarime të cilët tentojnë t’i bëjnë presion mësimdhënësve për me ndërpre. U bëj thirrje institucioneve që mos të tentojnë t’i thyejnë mësuesit, sepse nuk kanë shancë teorike me i thy për shkak se janë të vendosur, qoftë pa paga, pa nxemje, me shku deri në fund të realizimit të kërkesave të tyre”, thotë ai.
I pyetur se a do të kompensohen orët, Ymeri thotë se janë mësimdhënësit ata që thonë fjalën e fundit për këtë, por që nuk janë të obliguar ta bëjnë këtë.
Madje, sipas tij, nuk është koha të flitet për këtë.
“Më së paku duhet të flasim për kompenzimin e orëve, edhe kryeministri edhe ministri, sepse jemi ende në fazën kur po humbim ditë, jemi në fazën e grevës. Jemi në fazën kur të hënën ish dashtë të fillojë mësimi normal, e të hënën do të ketë grevë, dhe për atë arsye nuk jemi në fazë që duhet me bisedu çka ka me ardh në të ardhmen. Më mirë t’i koncentrojmë bisedat tek zgjidhja. Sipas ligjit të grevave nuk na obligon me i zëvëndësu ditët. Asnjë institucion në Kosovë nuk i zëvendëson ditët e grevës. Ne si SBAShK sa herë kemi mbajt grevë janë zëvendësuar ditët me kërkesë të mësimdhënësve. Edhe për këtë rast, fjalën përfundimtare kanë me dhënë mësimdhënësit”, thotë ai.
SBAShK ka vendosur të vazhdojë me grevën dhe të presë seancën për projektligjin.
Sipas tyre, nëse votohet në këtë formë, ata do të vazhdojnë tutje me grevën dhe do të kërkojnë nga presidenti që mos të nënshkruaj ligjin.
Kujtojmë se sektori i arsimit ka filluar grevën më 14 janar. Një javë më vonë Qeveria ka dalë me një ofertë që të rrisë buxhetin për këtë sektor për 20 milionë euro në vit.
SBAShK nuk e pranoi ofertën dhe deklaroi se nuk kërkojnë rritje të pagës, por të koeficientit.
Nesër fillon java e tretë e grevës së përgjithshme në sektorin e arsimit./kp/Telegrafi/
Lufta Prigozhin - Putin
Më shumëGazetari britanik tregon nëse mund të ketë luftë në Kosovë dhe Bosnjë
Cvijanoviq: Qëndrimi i Bosnjës e Hercegovinës për anëtarësimin e Kosovës në Këshillin e Evropës duhet të jetë neutral
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Kurti pas telefonatës me Macron: Besojmë që Franca ta mbështesë Kosovën në KiE pa parakushte
Rrëfimi i Vasfije Krasniqit: Çdo ditë e kujtoj tmerrin që më ndodhi nga forcat serbe
Goditi 42 herë me thikë ish-të dashurën në Vjenë, gjykata e dënon me 15 vjet burgim shqiptarin nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert