Salah tregon anën e tij ‘agresive’, ofendoi dhe u përplas verbalisht me gjyqtarin e ndeshjes ndaj Kamerunit

Mohamed Salah u pa me një figurë jashtëzakonisht të frustruar te gjyqtari i ndeshjes gjatë ndeshjes së Egjiptit kundër Kamerunit në gjysmëfinalen e Kupës së Kombeve të Afrikës.

Egjiptit i nevojiteshin penalltitë për të mposhtur Kamerunin nikoqirë në gjysmëfinalen e Kupës së Kombeve të Afrikës të enjten mbrëma.

Në fund, Egjipti mundi Kamerunin me rezultat 3-1 me penallti, me portierin Gabaski që priti dy goditje të nikoqirëve dhe ia siguroi kombëtares së tij një vend në finale.

Lexo po ashtu Egjipti i Salahut eliminon Kamerunin pas penalltive - kalon në finalen e Kupës së Kombeve të Afrikës

Por, ‘Faraonët’ do të jenë pa menaxherin e tyre Carlos Queiroz, i cili u përjashtua nga loja nga gjyqtari Bakary Gassama.

Queiroz reagoi me zemërim ndaj vendimeve të gjyqtarit kryesor, me Gassaman që e dërgoi atë në tribunë.

Kjo nuk i pëlqeu kapitenit Salah, i cili gjithashtu pati një shkëmbim të nxehtë me të teksa ai protestoi me tërbim kundër gjyqtarit që sipas tij dukej i dyshimtë.

Ylli i Liverpoolit lëshoi ​​një fyerje dhe më pas e shikoi Gassaman përpara se të largohej nga skena. Atij iu afruan edhe trajnerët e Egjiptit, të cilët u larguan nga përplasja verbale me gjyqtarin.

Most animated I’ve ever seen Salah pic.twitter.com/y3DmrqjYeE

— elliot (@Ifcelliot) February 3, 2022

Kjo është një anë e Salah që shumë tifozë nuk e kanë parë kurrë më parë, pasi ylli egjiptian njihet për natyrën e tij të qetë përgjithësisht.

Ndryshe, Salah dhe kombëtarja e tij do të përballen me Senegalin e Sadio Manes të dielën në finalen e madhe të Kupës së Kombeve të Afrikës. /Telegrafi/