“Sa shumë kujtime të mira”, diplomati Eide kujton ish-presidentin Rugova: Mbresëlënës dhe frymëzues në mënyrën e tij të qetë e dinjitoze

Ish i dërguari i Sekretarit të Kombeve të Bashkuara në Kosovë, diplomati norvegjez, Kai Eide ka kujtuar sot takimet me ish presidentin Ibrahim Rugova, në 17 vjetorin e vdekjes.

Eide në një postim në Twitter shkruan se ka kujtime të mira me ish presidentin Rugova, derisa thotë se ishte “mbresëlënës dhe frymëzues në mënyrën e tij të qetë, dinjitoze”.

“Kaq shumë kujtime të bukura – nga takimi im i parë me të në vitin 1995 deri në ditën e fundit të trishtuar, duke ecur në atë të ftohtë të hidhur në kortezhin e tij funeral! Një njeri kaq mbresëlënës dhe frymëzues në mënyrën e tij të qetë, dinjitoze. Kosova e meriton vendin e saj të merituar në komunitet…”, shkruan Eide, raporton Telegrafi.

Lexo po ashtu Osmani e Kurti nderojnë ish-presidentin Rugova: Njeriu i cili i dha zë kërkesave të drejta të popullit të Kosovës për liri dhe pavarësi

Ndryshe, sot zyrtarë shtetërorë e udhëheqës të partive politike kanë bërë homazhe në 17 vjetorin e vdekjes së ish presidentit Ibrahim Rugova. /Telegrafi/

So many fond memories – from my first meeting with him in 1995 until the last sad day, walking in that bitter cold in his funeral procession! Such an impressive and inspiring man in his quiet, dignified way. #Kosovo deserves its rightful seat in the intern community now! @Petrit https://t.co/41Bc7B6Rwy

— Kai Eide (@kai_eide) January 21, 2023