Rusia akuzon Ukrainën për vrasjen e vajzës së mikut të ngushtë të Putinit

Shërbimi Sekret i Rusisë i njohur si FSB, ka akuzuar forcat speciale ukrainase për vrasjen e Darya Dugina, vajzën e ultra-nacionalistit dhe ideologut rus Alexander Dugin.

Dugina ishte vajza e mikut të ngushtë të Vladimir Putinit, Alexander Dugin, e cila u vra të shtunën mbrëmë në atë që po dyshohet si bombëvënie në veturën e saj Toyota Land Cruiser, transmeton Telegrafi.

Në anën tjetër, Ukraina ka mohuar kategorikisht pretendimet e Moskës, duke thënë se nuk ka gisht në vrasjen e Darya Duginas.

Lexo po ashtu Ish-kreu i ushtrisë britanike: Lufta në Ukrainë nuk doli si e kishte menduar lideri rus, është makthi i Putinit

Megjithatë FSB pretendon se sulmi është kryer nga një grua ukrainase e lindur më 1979, identiteti i të cilës nuk është zbuluar.

Thuhet se kjo grua së bashku me të bijën e saj adoleshente ka arritur në Rusi në korrik dhe e kaloi një muaj duke përgatitur sulmin – duke marrë me qira një apartamentin në bllokun e njëjtë ku jetonte Dugina me qëllim që të mund të analizojë në detaje viktimën, pretendojnë zyrtarë të FSB-së.

Vrasja është kryer në periferi të Moskës gjatë të shtunës mbrëma, ku në këtë event kishe marrë pjesë edhe babai i saj. /Telegrafi/