Rrjedhin në internet fotografitë e Harry Styles i veshur si “Sirena e VogëL – fansat tallin me të madhe këngëtarin në komente

Ai u përfol se do të luante Princin Eric në xhirimet e filmit “Little Mermaid”, para se ta refuzonte atë për shkak të një ‘konflikti planifikimi’.

Por duket se arsyeja që Harry Styles refuzoi rolin ishte sepse ai ishte në të vërtetë pas pjesës kryesore të Ariel, duke u gjykuar nga fotografitë e reja që rrodhën në internet të premten, shkruan DailyMail.

Këngëtari 27 vjeçar, ishte fotografuar si personazhi i famshëm “sirena Ariel”, i veshur me një palë sytjena në formën guaskë, dhe një paruke të kuqe në kokë.

Me t’u shpërndarë këto imazhe, fansat kanë filluar ta tallin këngëtarin e njohur për këtë paraqitje të tij.

Fotografitë – përfshirë një tjetër të Harryt ku shihej me shampanjë dhe pozonte me një cigare në gojën e tij – ndezën një valë eksitimi në rrjetet sociale.

Një fans shkroi: ‘A e patë fotosesionin e Harryt? Ai është kaq i mrekullueshëm që unë e dua atë. Kjo është arsyeja pse ai e refuzoi rolin e Princit Eric’.

‘Ai donte të ishte Ariel gjatë gjithë kohës. Shumë e vërtetë’, shkroi një tjetër.

Një tjetër bëri shaka: ‘A mund ta luajë Harry Arielën në xhirimet e Little Mermaid’.

Një i tretë shkroi: ‘Harry është aq i talentuar sa që në fund të javës ai do të jetë kast i tërë i Little Marmaid’.

Shumë fansa të tjerë bën komente të ndryshme duke qeshur me këtë fotosesion të tij.

“Ah kështu që kjo është arsyeja pse Harry refuzoi rolin e Princit Eric në Little Mermaid. Të gjitha kanë kuptim tani”, shkroi një tjetër.

Sipas tabloidit Page Six, imazhet vijnë nga një xhirim i rrjedhur, i cili supozohej se do të përdorej si promovim për paraqitjen e tij në ‘Saturday Night Live’. /Telegrafi/