Fitorja absolute e Partisë Përparimtare Serbe, me në krye Aleksandër Vuçiqin, në zgjedhjet e parakohshme të 16 marsit, tregon qartë mentalitetin e mbrapshtë të qytetarëve serbë, të cilët assesi të lirohen nga sindromi i ekstremizmit, ultranacionalizmit e “izmave” të tjerë, me të cilat ata po ia mbyllin vetes rrugët e integrimeve evropiane.
Fitorja spektakulare e Vuçiqit gjithashtu do ta çojë Serbinë në një qorrsokak politik, në një kolaps ekonomik dhe në trazira sociale, nga të cilat do të pësojnë të gjithë ata që me votën e tyre ia mundësuan këtij ultranacionalisti – i cili është në kundërshtim demokracinë perëndimore, duke e futur popullin serbë në një armiqësi me botën.
Kush ka pasur rast ta përcjell fushatën elektorale të Vuçiqit dhe diskutimet e tij të mëhershme në Parlament, s’ka se si të mos çmendet nga skizofrenia e tij për vrasjen e mijëra myslimanëve, pastaj për kërcënimet ndaj ndërkombëtarëve etj. Pavarësisht nga fjalori i tij luftënxitës e revanshist, qytetarët e mbështetën me votën e tyre në sytë e vëzhguesve ndërkombëtarë.
Populli serb i verbëruar nga nacionalizmi i demoduar, që i ka shkuar prapa kasapit të dikurshëm të Ballkanit, satrapit Milosheviq, po i jep mbështetje Sheshelit në Tribunalin e Hagës dhe po e shpërblen me votën e besimit Vuçiqin, krejt në emër të një patriotizmi verbal.
Ky popull ka nevojë për një vetëdijesim politik, ngase si mund të quhen patriotë këta politikanë që më së shumti e dëmtuan Serbinë, e cila për shumë vjet ka për t’i hequr sanksionet e një politike përçudshme e prapanike.
A nuk është po ky Vuçiqi i cili për muaj të tërë e mbajti popullin e tij në Brigada në veri të Kosovës dhe në fund i tradhtoi duke u thënë se kryeministër e keni Thaçin e jo mua!
A nuk është po ky Vuçiqi i cili dikur thoshte hapur për ndërkombëtarët se po ua fusin nga një “bander” nga prapa e këta nga frika po thonë: O sa mirë po na rrinë!
Por, sido që të jetë, kjo rritje e Vuçiqit do të jetë në favor të shqiptarëve, ngase, ai de fakto e ka njohur Kosovën me Marrëveshjen e Brukselit e sidomos me menaxhimin e integruar të kufijve. Ndërsa, me fitoren bindëse do ta njoh Kosovën edhe de jure. Fitorja absolute e partisë së Vuçiqit, në këto zgjedhje të parakohshme parlamentare, ia mundëson atij ta ndërrojë Kushtetutën e Serbisë, duke e korrigjuar atë me heqjen e Kosovës nga ajo.
Është një karakteristikë e politikës serbe. Me këso premtime është rritur Milosheviqi, dhe me këso dështime ka ra, ndërsa për Vuçiqin do të vlejë edhe një formulë më e keqe si ajo e Berluskonit në Itali, e Sadamit në Irak, e Gadafit në Libi etj. gjithnjë me shprehjen tonë popullore shumë të qëlluar: Soni harabatë!
E gjithë kjo na del se tani Vuçiqi është për urim, por fundin do ta ketë me ngushëllim.
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
Borrell e uroi qeverinë e re serbe, eurodeputeti gjerman nuk përmbahet: Si mund ta bëjë një budallallëk të tillë
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Trajneri i Palmeiras i lutet presidentit të mos e shesë Messinhon, thotë se nuk ka parë kurrë këso lojtari
Tentuan t’ia vënë zjarrin shkollës “Meto Bajraktari” në Prishtinë, reagon Drejtoria e Arsimit: Të zbulohen motivet e sulmit kriminal mbi objektet shkollore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City