Drejtori Ekzekutiv i Shoqatës së Bankave të Kosovës, Petrit Balija në një intervistë për Telegrafi, ka thënë se sektori gjyqësor në vend ka qenë dhe mbetet një pikë e dobët për sektorin bankar.
Sipas tij, ka përmirësime sidomos me përmbaruesit privat, por lëndët e vjetërsuara ende mbeten problematike.
“Që nga fillimi sistemi gjyqësor ka qenë një pikë e dobët për sektorin financiar në Kosovë dhe ende mbetet një pikë e dobët. Ka përmirësime, sidomos me përmbaruesit privat ku janë duke e bërë një punë shumë të mirë dhe dukshëm janë ndihmues të sektorit bankar. Lëndët e vjetërsuara ende mbeten problematike edhe pse ka një reduktim të tyre, sipas një anketimi ka një rënie prej 10 për qind, mirëpo kjo nuk mjafton dhe duhet një punë më e madhe që të eliminohen rastet e vjetërsuara”, thotë Balija, shkruan Telegrafi.
Sipas tij, shuma totale e mjeteve të bllokuara nga mos përfundimi i lendeve nëpër Gjykata që kanë të bëjnë me bankat janë 180 milionë euro për të gjitha rastet e sektorit bankar.
Balija thotë se duhet patur kujdes me legjislacionin sepse, një legjislacion joadekuat mund të rrit normat e interesit.
“Normat e interesit kanë rënë dukshëm, jemi pak mbi 6 për qind të normës mesatare të interesit. Mendoj që normat e interesit janë çështje e tregut, kostos së financimit për bankat, kërkesës për kredi dhe barrierave të tjera të biznesit. Sipas analizave, kemi një trend rënës të normave të interesit”, shpjegon ai.
Gjithashtu, Balija foli dhe për ardhjen e bankave të reja në vend, i cili më shumë i konsideron si investime të huaja në vend dhe për ardhjen e tyre duhet një zhvillim më i madh ekonomik që të kemi më shumë volum në kreditim dhe transaksione në mënyrë që edhe bankat e reja ta shohin si treg potencial.
Ai tha se ka shumë pa qartësi ndonjëherë dhe shumë pakënaqësi te publiku lidhur me tarifat bankare, mirëpo bankat kanë investuar në shërbime elektronike ku kanë bërë të mundur që këto shërbime të janë më të lira.
“Nëse e shikojmë kur kanë qenë më të ulëta tarifat, në nuk kemi pasur nivel të zhvillimi të shërbimeve elektronike në këtë nivel, që nga atëherë bankat kanë investuar në shërbime elektronike ku kanë bërë të mundur që këto shërbime të janë më të lira, në shumicën e rasteve pa pagesë, ndërsa shërbimet fizike kanë pësuar një rritje në kosto, për faktin se bankat nuk janë duke u profilizuar në këto shërbime. Kjo nuk është për dëshirën e tyre, por për shkak të zhvillimeve teknologjike ku bankat në Kosovë duhen të janë në hap me zhvillimet”, thotë ai.
Balija sugjeron që të përdoren shërbimet elektronike ngase i kontribuon ekonomisë së vendit duke ndaluar qarkullimin e parasë së gatshme dhe eliminimin e parasë false. /Telegrafi/
Lufta Prigozhin - Putin
Më shumëGoBau – Kositëse bari
Pasuria e guvernatorit të BQK-së, drejtorit ATK-së dhe drejtorit të Doganës
U hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
KEDS: Elektroseveri ka filluar t’i vendosë njehsorët e rrymës në veri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre