Të gjithë ne para se të martoheshim kemi marrë këshilla të mira për një martesë të suksesshme nga nënat dhe gjyshet tona. Megjithatë, a janë këto këshilla me të vërtetë të dobishme dhe a duhet t’i respektojmë ato verbërisht?
Në vijim ju sjellim disa “rregulla martesore” për të cilat shumë revista femrash konsiderojnë se mund të thyhen lirisht.
Njëra nga këshillat e cila është po aq e vjetër sa edhe vetë pyetja “a është më e vjetër pula apo veza?”, është që të mos shkojmë të zemëruar në shtrat. E vërteta është se në qoftë se grindemi kur jemi të përgjumur, të lodhur apo të stresuar, asgjë e mirë nuk mund të dalë nga kjo.
Nëse keni mundësi, pajtohuni që të mos pajtoheni dhe shkoni në gjumë, ndërsa debatin përfundojeni kur të jeni më të pushuar dhe më gjakftohtë.
As sinqeriteti i qindpërqindtë në një martesë nuk është gjithmonë opsioni më i mirë. Nuk keni nevojë t’ia tregoni partnerit tuaj çdo detaj të marrëdhënieve tuaja të kaluara, kjo pastaj zakonisht provokon krahasime, e krahasimet nuk mund të sjellin asgjë të mirë.
Sa u përket pushimeve, kryesisht rekomandohet që kohën e lirë ta kaloni me njëri-tjetrin, por problemi mund të shfaqet atëherë kur partneri juaj dhe ju keni një këndvështrim krejtësisht të ndryshëm për pushimin. Juve ju pëlqen të eksploroni, atij i pëlqen të rrijë, ju dëshironi të shkoni në male, ai në det… Në këtë rast, mund të jetë më mirë që në pushime të shkoni ndaras, secili për vete, por jo gjithmonë.
Një nga gabimet më të shpeshta të çifteve është fakti se marrëdhënien e tyre e lënë pas dore pas ardhjes së fëmijëve. Fakti që në disa raste do ta vendosni marrëdhënien tuaj para fëmijës nuk do të thotë se jeni prindër të këqij, përkundrazi.
Nëse në radhë të parë ju punoni për marrëdhënien tuaj kjo nuk është mirë vetëm për ju, por edhe për fëmijën tuaj, sepse rritja me prindërit të cilët duhen dhe pajtohen është një bazë e shkëlqyeshme për një jetë të lumtur.
“Kurrë mos flini në shtretër të ndarë” është gjithashtu diçka që e dëgjojmë nga ata që kanë përvojë më të gjatë martesore. Por në qoftë se partneri juaj gërhet në mënyrë të padurueshme, sillet vërdallë apo shikon shumë televizor, derisa ju përpiqeni të flini, mund të jetë më mirë nëse flini në shtretër të veçantë, por mos lejoni që kjo të ndikojë në jetën seksuale dhe intimitetin fizik.
Dhe në fund, nuk keni nevojë ta kaloni së bashku çdo çast. Mundësia ideale do të ishte që të keni interesa të përbashkëta, por në qoftë se bashkëshorti juaj preferon të merret me makina, dhe ju preferoni piknikët në natyrë, nuk duhet të dekurajoheni. Opsioni më i mirë është që të shkoni në aktivitete të ndryshme, por edhe ta gjeni një të përbashkët.
Nuk ekzistojnë rregulla për një martesë të lumtur, përshtatni ato me afinitetet tuaja, sepse çdo marrëdhënie dhe çdo njeri është unik dhe i ndryshëm. /Telegrafi/
Promo
Reklamo këtuLufta Prigozhin - Putin
Më shumëA ekziston me të vërtetë magjia e zezë apo 'sehiret' - si mund të shpëtojmë prej tyre?
A e dini pse dritat në aeroplan zbehen? Nuk është ajo që keni menduar
Përse meshkujt vrapojnë pas prapanicës së femrës?
Katër kristale që sjellin fat dhe energji të mirë në takimet e dashurisë
Fjalori mortor: Rregullat me rastin e shprehjes së ngushëllimeve
Makina larëse harxhon dy herë më shumë energji elektrike për shkak të një gabimi që bëjmë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?