LAJMI I FUNDIT:

Rouhani: SHBA ‘po gënjen’ për ofertat e bisedimeve, vuan nga ‘çrregullime mendore’

Rouhani: SHBA ‘po gënjen’ për ofertat e bisedimeve, vuan nga ‘çrregullime mendore’

Presidenti iranian Hassan Rouhani tha të martën se sanksionet e reja të SHBA-së kundër zyrtarëve të lartë iranianë duke përfshirë edhe diplomatin e lartë Mohammad Javad Zarif treguan se Uashingtoni është “duke gënjyer” rreth ofrimit të negociatave.

“Në të njëjtën kohë kur bëni thirrje për negociata, ju kërkoni të sanksiononi ministrin e jashtëm? Është e qartë se ju jeni duke gënjyer”, citohet të ketë thënë Rouhani në një takim me ministrat, të transmetuar drejtpërdrejt në televizion, shkruajnë mediat e huaja, përcjell Telegrafi.

Ai gjithashtu tha se Shtëpia e Bardhë është “e goditur nga çrregullimi mendor”.

Komentet e tij erdhën pasi këshilltari i sigurimit kombëtar John Bolton tha në Jerusalem se Uashingtoni “e mbajti derën hapur ndaj negociatave reale”, por se “në përgjigje, heshtja e Iranit ka qenë shurdhuese”.

Ndërsa Ministria e Jashtme e Iranit tha se sanksionet ndaj udhëheqësve të saj përfaqësojnë “mbylljen e përhershme” të diplomacisë me Uashingtonin.

“Vendosja e sanksioneve të pafrytshme kundër udhëheqësit suprem të Iranit dhe komandantit të diplomacisë së Iranit është mbyllja e përhershme e rrugës për diplomacinë me qeverinë e dëshpëruar të Trump”, tha zëdhënësi i ministrisë Abbas Mousavi në një postim në Twitter.

Uashingtoni vendosi sanksione të reja kundër udhëheqësit suprem Ajatollah Ali Khamenei të hënën si dhe futi në listën e zezë ministrin e Jashtëm Zarif, lëvizje kjo më e fundit në një situatë të tensionuar që ka ngritur frikën e një konflikti rajonal.

“Qeveria e Trump po shkatërron të gjithë mekanizmat e vendosur ndërkombëtarë për të mbajtur paqen dhe sigurinë globale”, shtoi Mousavi.

Zarif u përgjigj të hënën ndaj sanksioneve, duke thënë se udhëheqësit në Izrael, Arabinë Saudite dhe SHBA “e përçmojnë diplomacinë dhe etjen për luftë”.

Presidenti i SHBA-së, Donald Trump, gjithashtu vendosi sanksione të reja të hënën kundër krerëve të lartë ushtarakë iranianë, duke i bërë presion vendit, madje duke e kërcënuar me “zhdukje” në rast se fillon një luftë.

Masa e Uashingtonit erdhi pasi Irani rrëzoi një dron amerikan javën e kaluar dhe Trump autorizoi një sulm hakmarrës, por e anuloi atë në minutën e fundit. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Duke ecur në plazhin e Essexit, britanikja gjeti një dhëmb vigani 1.8 milion vjeç

Duke ecur në plazhin e Essexit, britanikja gjeti një dhëmb vigani 1.8 milion vjeç

Botë
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Amerika
Rasti i pazakontë në Kroaci - pensionisti zbret nga një ndërtesë, por jo përmes shkallëve

Rasti i pazakontë në Kroaci - pensionisti zbret nga një ndërtesë, por jo përmes shkallëve

Kroacia
Kalo në kategori