Roma u kthehet fitoreve në Serie A, triumfon me rezultat bindës ndaj Lecces

Roma e ka mposhtur Leccen me rezultat 4-0 në kuadër të javës së 25-të në Serie A.

Pas vetëm 13 minutash lojë në ‘Olimpico’, Giallorossët kaluan në epërsi me golin e shënuar nga Cengiz Under që u asistua nga Henrikh Mkhitaryan.

Anësori armen (37’) më pas ndryshoi rol nga asistues në golashënues, e që u shërbye mjaftë mirë nga Edin Dezeko.

Cengo 👏💪#RomaLecce pic.twitter.com/5bX6WHcJT2

— AS Roma (@OfficialASRoma) February 23, 2020

Pjesa e parë përfundoi me këtë rezultat, derisa në të dytën u shënuan edhe të tjera.

Ishte minuta e 69-të, atëherë kur sulmuesi boshnjak e trefishoi epërsinë për Romën, derisa i katërti u shënua nga Aleksandar Kolarov (80’), me një asistim të Carles Perez.

È GOL! DZEKOOOOO! IL VAR CONFERMA!#RomaLecce 3-0 pic.twitter.com/avny5M0ZaV

— AS Roma (@OfficialASRoma) February 23, 2020

Pas javës së 25-të, Roma gjendet në pozitën e pestë me 42 pikë, ndërsa në xhiron e 26-të do të kenë punë me Cagliarin, por fillimisht do të zhvillojnë përballjen e dytë me Gentin në kuadër të Ligës së Evropës. /Telegrafi/