Roma ka harruar të fitojë, Chievo rrëmben pikë në Olimpico

Roma është befasuar në shtëpi nga Chievo duke lëshuar epërsinë për t’u pajtuar me një pikë pranë rezultatit 2-2 që vazhdon serinë e romakëve pa fitore.

Giallorosët e filluan furishëm këtë takim duke shënuar shpejt golin hapës me anë të Stephan El Shaaraëyt pas asistimit të Florenzit (10’).

Dominimi i madh i Romës vazhdoi dhe epërsia u dyfishua pas gjysmë ore lojë kur Cristante realizoi me ndihmën e Dezkos për 2-0.

Me këtë rezultat përfundoi pjesa e dytë, e shumë menduan se ndeshja tashmë ka përfunduar… përveç Chievos!

Me të filluar pjesa e dytë, Virsa realizoi me ndihmën e Rigonit për 2-1 duke hapur lojën (52’).

Një vazhdim Roma humbi ekuilibrat dhe kjo mundësoi Chievon që ta dënonte.

Stepinski në minutën e 83-të ishte i sakt për të realizuar golin e madh të barazimit për mysafirët të cilët edhe një herë dëshmuan se nuk janë për t’u nënvlerësuar.

Roma hodhi gjithçka përpara në momente finale të sfidës, por nuk ja doli që të gjente golin përkundër përpjekjeve duke bërë që ndeshja të përfundonte me rezultat 2-2.

Roma ka pesë pikë pas katër ndeshjeve në vendin e shtatë, duke qëndruar katër pikë prapa Juventusit që ka okupuar fuqishëm pozitën e parë me një ndeshje më pak të zhvilluar. /Telegrafi/