Rita Ora vë në dukje këmbët e gjata dhe barkun e skalitur në një dalje në Londër

Rita Ora dukej e pabesueshme me një veshje seksi kur u largua nga realizimi i një fotosesioni në Londër.

Këngëtarja e hitit “Let Me Love You”, 32 vjeçe, mahniti kalimtarët teksa doli e veshur me një bluzë të zezë, të cilën e kombinoi me pantallona të shkurtra çiklizmi të ngushta me vija.

Rita buri në dukje barkun e saj të tonifikuar, duke tërhequr vëmendjen me zinxhirin e barkut i zbukuruar me diamante, shkruan The Sun.

Ajo tregoi këmbët e saj të gjata ndërsa kishte veshur një palë çorape të gjata deri tek gjuri, të veshura me çizme lëkure të zeza.

Pavarësisht natyrës tërheqëse të pamjes së saj, Rita u përpoq disi të mos binte në sy para njerëzve, ndërsa kishte vendosur një palë syze dhe një kapele bejsbolli.

Dhe ndërsa temperatura ishte përvëluese jashtë, ajo kishte veshur një xhaketë të shndritshme të varur lirshëm nga krahët e saj.

Këngëtarja kohët e fundit publikoi këngën e saj më të re “Don’t Think Twice”, e cila është pjesë e albumit të saj të tretë në ardhje, “You & I”.

Rita duket e panjohshme në disa skena të klipit të saj më të fundit, regjinë e të cilin e ka realizuar bashkëshorti i saj, Taika Waititi.

Në videon muzikore me temën e Kësulëkuqes, Rita, 32 vjeçe, mund të shihet duke u kthyer në një përbindësh.

Videoja është xhiruar në atdheun e bashkëshortit të burrit të Ritës, Zelandën e Re.

Madje ai shfaqet në disa pjesë të klipit bashkë me gruan e tij, Ritën.

Fansat e vlerësuan videon muzikore në rrjetet sociale, me një prej tyre që theksoi: “A mund të flasim se sa shumëplanëshe është Rita Ora dhe sa artiste e mrekullueshme është ajo? Ajo është një nga të paktat që gjatë gjithë karrierës së saj arriti të rikrijojë veten dhe të përshtatet me kalimin e kohës”. /Telegrafi/