Rita Ora duket sportive, ndërsa fotografohet duke shkuar në një seancë të jogës në Sydney

Rita Ora tregoi figurën e saj trupore në top formë ndërsa shkoi pa sytjena në një seancë stërvitjeje në një klasë ushtrimesh në Sydney.

Ylli shqiptaro-britanik i muzikës po, 32 vjeçe, ishte veshur me pantallona të bardha dhe një bluzë të bardhë të ngushtë teksa po largohej nga klasa e mëngjesit të hënën.

Ajo u mbështoll për motin më të ftohtë të dimrit me një shall të madh ngjyrë krem dhe të zi, shkruan DailyMail.

Duke u përpjekur të mos vihej re nga kalimtarët, trajnerja e “The Voice Australia” fshehu fytyrën e saj të famshme pas një kapele ngjyrë bezhë dhe një palë syze dielli të shtrenjta të markës “Chanel”.

Muzikantja mbante një çantë të madhe të zezë teksa po kalonte në rrugët e Sydneyt të hënën.

Lexo po ashtu Rita Ora në krah të burrit të saj e veshur me "Versace" në Festivalin e Filmit në Sydney

Teksa ecte në këmbë, ajo zgjodhi një palë atlete komode me ngjyrë të verdhë.

Ajo i stiloi flokët e saj bionde të errëta në dy gërsheta dhe aplikoi një makijazh minimal për seancën e saj të stërvitjes.

Këngëtarja e hitit “Hot Right Now” është fotografuar disa herë duke dalë nga palestra të ndryshme në Sydneyt teksa punon shumë për të mbajtur fizikun e saj të dobët.

Ajo aktualisht është në qytet për spektaklin “The Voice Australia”, së bashku me kolegët e saj gjyqtarë: Jason Derulo, Guy Sebastian dhe Jessica Mauboy.

Rita mbërriti në Australi në fillim të këtij muaji me regjisorin dhe bashkëshortin e saj, Taika Waititi, 47 vjeç.

Çifti realizuan së fundmi një fotosesion ‘të nxehtë’ për revistën “Vogue Australia” të këtij muaji.

Ata zbuluan në intervistë se sekreti i martesës së tyre të suksesshme ishte lënia e kohës së mjaftueshme në dispozicion për njëri-tjetrin.

“Kjo është çështja e martesës, e marrëdhënieve, ka të bëjë me gjetjen e atij personi me të cilin dëshiron të shoqërohesh [me] dhe të sigurohesh që ta bësh këtë”, tha Taika.

Rita shtoi: “Ka të bëjë me sakrifikimin e gjërave të caktuara dhe për të gjetur kohë për njëri-tjetrin, veçanërisht kur ka dy njerëz të zënë në marrëdhënie… Nëse vërtet kujdeseni për dikë, do ta kuptoni”. /Telegrafi/