Rita Ora pozon me dekoltenë e hapur para dyqanit të të brendshmëve, ndërsa tregon fizikun e tonifikuar

Ajo aktualisht është zhvendosur në Los Angeles.

Dhe Rita Ora vazhdoi të ndajë një pasqyrë të udhëtimit të saj me ndjekësit e saj në Instagram, ndërsa publikoi disa poza tërheqëse të hënën në mbrëmje, shkruan DailyMail.

Këngëtarja 30 vjeçare, shfaqi dekoltenë e saj me një palë reçipeta mjaft provokuese, të cilat ajo e veshi në kombinim me një kostum mëndafshi për xhirimet e improvizuara jashtë një dyqani të të brendshmëve.

Interpretuesja e shumë hiteve shfaqi fizikun e saj të zbukuruar dhe të nxirë nga diellit, teksa për aksesorë zgjodhi një palë syze dielli elegante.

Rita i kishte kapur flokët e saj kaçurrela lartë, ndërsa kishte vënë pak makijazh, duke përfshirë një buzëkuq ngjyrë rozë.

Duke pozuar jashtë dyqanit, i cili shfaqi një sërë të brendshmesh në dritaren e tij, Rita me shaka shkroi në mbishkrimin e fotografive: “Thjeshtë duke u përpjekur të kuptoj se si të futem”.

Më herët gjatë ditës, Rita bëri një paraqitje tjetër tërheqëse e veshur me një funs të shkurtër të verdhë dhe një bluzë të shkurtër të po së njëjtës ngjyrë.

Rita vuri në dukje fizikun e saj të hijshëm, për të cilin kujdeset që të ndjek me rregull ushtrimet në palestër.

Kjo paraqitje e Ritës vjen pasi ajo dhe Jennifer Lopez thuhet se zhvilluan bisedime ‘sekrete’ për të diskutuar për ‘bashkëpunimet e ardhshme të muzikës dhe filmit’.

Krijuesit e hiteve thuhet se janë mbledhur së bashku në Los Angeles për të diskutuar për ‘atë që ata mund të bëjnë së bashku’ dhe ‘asgjë nuk ishte jashtë kufijve’, thuhet sipas The Sun.

Rita kohët e fundit zbarkoi në Kaliforni pas periudhës së saj disa mujore në Australi ku qëndroi për xhirimet e “The Voice”, pasi ishte e ftuar si anëtare e jurisë.

Ndërsa Jennifer, 51 vjeçe, kohët e fundit fluturoi përsëri në The City Of Angels pasi përfundoi një xhirim të një klipi në Miami. /Telegrafi/