Rita Ora duket me stil dhe e entuziasmuar rrugëve të Londrës, ndërsa mban në duar koopertinën e albumit të ri

Rita Ora dukej rrezatuese si kurrë më parë teksa doli në qendër të Londrës për të promovuar albumin e saj të ri në ardhje “You & I”.

Këngëtarja 32-vjeçare, e cila e ka titulluar albumin në dedikim për të dhe bashkëshortin e saj, Taika Waititi, dukej trendi e veshur me një xhaketë me lesh artificial ngjyrë kafe dhe bezhë.

Interpretuesja e hitit “Let You Love Me” e kombinoi atë me një bluzë të bardhë dhe gjithashtu kishte veshur xhinse të grisura ngjyrë blu të hapur, shkruan DailyMail.

E veshur gjithashtu me një palë atlete të kaltra, Rita i shtoi pamjes së saj edhe më tepër klas me një palë syze dielli me ngjyrë të kuqe dhe një çantë dore ngjyrë blu.

Lexo po ashtu Rita Ora jep lajmin e shumëpritur, zbulon titullin dhe datën e publikimit të albumit të ri

Duke i stiluar flokët e saj bionde të errëta në kaçurrela të lirshme, ylli shqiptaro-britanik shkëlqente ndërsa mbante në duar kopertinën e albumit të ri.

Rita – albumi i parafundit i së cilës “Phoenix” doli në shitje në vitin 2018 – ndau me ndjekësit një fotosesion mahnitës në lidhje me albumin e ri në ardhje të mërkurën.

Ylli e krahasoi albumin me një ‘ditar’, duke sugjeruar se do të jetë projekti i saj më personal i realizuar ndonjëherë.

Ajo tha: “Ky album do të thotë vërtet shumë për mua. Është si ditari im i viteve të fundit, është zëri im dhe ndihet kaq i vërtetë për mua dhe atë se kush jam unë sot”.

Rita zbuloi se kënga e re nga albumi i saj titullohet “Praising You”, një version i ri i hitit të Fatboy Slim të vitit 1999, “Praise You”.

Këngëtarja bashkëpunoi me Fatboy Slim, emri i vërtetë i të cilit është Norman Cook, në këngën e cila u publikua të mërkurën.

Ajo tha: “Të merrja jo vetëm vulën e miratimit të Norman, por të bashkëpunoja me të dhe të bëja homazh për një këngë kaq masive nga fëmijëria ime ishte vërtet një përvojë surreale”.

“Unë mendoj se kjo këngë do të thotë diçka ndryshe për të gjithë, por nga këndvështrimi im, ka të bëjë me lavdërimin e të dashurit tuaj dhe me të vërtetë festimin e atyre marrëdhënieve”.

“Jam jashtëzakonisht e nderuar që ne japim frymë të re në këngë dhe ia prezantojmë atë një brezi krejt të ri”.

Rita do të performojë për herë të parë live këngën e saj “Praising You” në gjysmëfinalen e parë të Eurovision 2023, më 9 maj si e ftuar speciale. /Telegrafi/