Rikthimi në muzikë, Luizi zbulon emrat e artistëve që po punon për bashkëpunime

Luizi Ejlli me rikthimin në qendër të vëmendjes pas pjesëmarrjes në Big Brother VIP Albania 2 dhe fitores, ai tashmë është rikthyer edhe në skenën e muzikës.

Këngëtari nga Shkodra i ftuar në emisionin “Më lër të flas” ka zbuluar edhe emrat e artistëve me të cilët po planifikon të sjell bashkëpunime.

Luizi tha se tashmë kanë në planë të sjell duet me disa prej emrave më të njohur të estradës shqiptare, por edhe këngë të tjera solo.

“Këtë herë kam vendos të zë mend dhe jam në menaxhimin e njerëzve profesionistë dhe kam zënë shumë data, ka shumë kërkesa, bashkëpunime do bëjë, por edhe këngë vetëm, Noizy ka premtuar që do të bëjmë bashkëpunim dhe po do e bëjmë, me Stinen, me Elvana Gjatën dhe Yll Limanin”, zbuloi Luizi.

Lexo po ashtu “Kanë abuzuar me emrin tim” - Luizi flet për shfrytëzimin që iu bë imazhit të tij kur ishte brenda BBVA

Këngëtari dje (e premte) ka publikuar projektin e parë që pas daljes nga shtëpia e famshme, e që e solli në duet me aktorin Donald Veshaj, Luizi tregoi se si lindi ky bashkëpunim i dyshes.

“Bashkëpunimi i parë që kam bërë, e kam bërë me Donaldin, për të vetme arsye se ka qenë i pari person që jam ulur në tavolinë dhe kam qëndruar për qejf sa kam dal pas dy ditësh dhe ka qenë pjesë më e madhe e familjes së tij aty dhe më tha ‘si thua të vish në emisionin tonë ‘Më lër të flas’ dhe kjo është dalja ime e parë dhe thash do të dal aty, por do të bëjmë edhe një këngë”, tha Ejlli.

Ndërkohë, Luizi tashmë ka nisur edhe koncerte dhe mbrëmjet muzikore si në Shqipëri ashtu edhe në Kosovë. /Telegrafi/