Versioni Resident Evil 4, është lansuar më 21 maj për Nintendo Switch, bashkë me Resident Evil dhe Resident Evil 0, në kohën më të mirë për lansimin e video-lojërave.

E lansuar për herë të parë më 2005 për Nintendo GameCube, kjo lojë është bërë një prej më të mirave të zhanrit aksion horror, transmeton Telegrafi.

Tani që janë bërë 15 vjet dhe po konsiderohet si video-loja më e mirë ndonjëherë, apo kryevepër që sjellë ankth dhe kënaqësi në të njëjtën kohë, është modernizuar me kohë.

Më 2011 e ka marrë tretmanin HD, ndërsa është bërë e përshtatshme për të gjitha platformat si PC, Xbox One dhe PlayStation 4. Nuk ka dyshim, se ka pësuar edhe ndryshimet e dukshme me kohën, duke u përmirësuar vizuelisht si dhe në detajet përcjellëse.

Në kërkim të vajzës së presidentit, kryepersonazhi Leon S. Kennedy që mbijetoi sulmit në Resident Evil 2, tashmë ka shkuar në Spanjë, ku është edhe lokacioni ri i lojës.

Vetëm se në versionin aktual, armiqtë nuk janë zombie, por të gjallë dhe shumë më të rrezikshëm, të cilën ai i mund gjithsesi. /Telegrafi/