Republikani Kevin McCarthy do të largohet në fund të këtij viti nga Kongresi amerikan

Ish-kryetari i Dhomës së Përfaqësuesve, Kevin McCarthy po jep dorëheqje nga Kongresi amerikan dhe do të largohet në fund të këtij viti, njoftoi ai përmes një shkrimi autorial në Wall Street Journal.

McCarthy, i cili ka qenë në detyrë për 17 vjet, zbuloi arritjet jetësore politike në artikull dhe bëri të qartë se nuk është penduar për asgjë në jetë.

Lexo po ashtu Votim historik në SHBA - Kevin McCarthy shkarkohet nga posti i kryetarit të Dhomës së Përfaqësuesve

Ligjvënësi amerikan, i cili pas 15 raundeve të votimeve u zgjodh kryetar i Kongresit, u shkarkua vetëm nëntë muaj më vonë pasi zemëroi krahun e djathtë të partisë republikane kur doli në mbështetje të demokratëve për të rritur shpenzimet.

As the son of a firefighter from Bakersfield, my story is the story of America. For me, every moment came with a great deal of devotion and responsibility.

Serving you in Congress and as the 55th Speaker of the House has been my greatest honor. pic.twitter.com/jNnYQ8UO4k

— Kevin McCarthy (@SpeakerMcCarthy) December 6, 2023

“Pa marrë parasysh shanset apo kostot personale, ne bëmë gjënë e duhur. Kjo mund të duket jashtë modës në Uashington, por populli amerikan po korr sukseset në të gjithë vendin”, shkroi ai.

“Shkoj duke e ditur se i lashë të gjitha në fushë – si gjithmonë, me një buzëqeshje në fytyrë”, shtoi 58-vjeçari, raporton cnn.

Lexo po ashtu Kaos në Dhomën e Përfaqësuesve, shkarkimin e kryetarit e kërkoi republikani besnik i Trumpit

Pas vendimit të McCarthyt, tashmë do të ngushtohet edhe më shumë numri i ligjvënësve mes republikanëve dhe demokratëve.

Kujtojmë se javën e kaluar, ligjvënësi republikan nga New Yorku, George Santos, u përjashtua nga Dhoma e Përfaqësuesve pas akuzave për korrupsion. /Telegrafi/