Reperi Kid Cudi mendon të largohet përfundimisht nga muzika

Kid Cudi ka njoftuar se së shpejti mund të largohet nga rapi pasi nisi karrierën muzikore në fillim të viteve 2000.

Fituesi i çmimit “Grammy”, 38-vjeçar, ngacmoi planet e tij të së ardhmes gjatë një paraqitje të fundit në “Hot Ones” të First We Feast, ku prezantuesi Sean Evans e pyeti atë për karrierën e tij të shkëlqyer.

“Thjesht nuk e di nëse dua të bëj muzikë, të bëj albume për një kohë të gjatë, e dini?”.

“Unë jam afër fundit për të gjitha gjërat Kid Cudi, mendoj”, tha krijuesi i hitit “Day ‘n’ Nite”.

Cudi – emri i vërtetë i të cilit është Scott Mescudi – tha se ai është ‘me të vërtetë kurioz të shoh se çfarë tjetër’ mund të bënte në aspektin muzikor, përpara se të tërhiqet tërësisht.

Lexo po ashtu Reperi Kid Cudi detyrohet të largohet nga skena pasi fansat e gjuajnë me gjësende të ndryshme

“Po mendoja për këtë – dhe kjo është si një ide e çuditshme që kisha vite më parë”, shpjegoi Cudi.

“Por do të ishte mirë të ishe një ditë mësues kopshti. Dhe bëje këtë vetëm për disa vjet”.

Kid Cudi ka shijuar një karrierë vezulluese që nga publikimi i albumit të tij debutues, “Man on the Moon: The End of Day”, në 2009. /Telegrafi/