Te Real Madridi janë të zemëruar me gjyqtarin Alejandro Hernandez Hernandez pas barazimit në derbin e së dielës ndaj Atletico Madridit (1-1).
Gjyqtari nuk iu dha kampionëve në fuqi një penallti në pjesën e parë në “Wanda Metropolitano”, pavarësisht se shkoi në monitorin e VAR, ku dukej një prekje me dorë nga Felipe në zonë.
Ky incident është vetëm i fundit në listën e gjatë të ankesave të Los Blancos ndaj gjyqtarit në ndeshje vendimtare, duke radhitur 10 prej tyre.
1. Një penallti ndaj Varane nga Rakitic (2019/20)
Në Clasico e sezonit të kaluar në Camp Nou, Real Madrid kërkonte dy penallti, të dyja për faullet ndaj Raphael Varane. E para ishte një tërheqje nga Ivan Rakitic.
Incidenti i dytë në të njëjtën El Clasico zemëroi më shumë Real Madridin, pasi Clement Lenglet rrëzoi mbrojtësin francez në zonë.
Kundër Levantes, Real Madrid dëshironte një penallti pas lojës me dorë nga Jose Campana. Los Blancos përfunduan duke e humbur atë ndeshje.
Në një tjetër El Clasico, Suarez vodhi topin nga Varane me ndërhyrje ndaj francezit, ndërsa ai aksion u mbyll me gol. Vetë Suarez tha se "ishte pak faull" më pas.
E njëjta ndeshja. Los Blancos dëshironte një penallti për një faull nga Jordi Alba ndaj Marcelos kur rezultati ishte i barabartë, por nuk u dha.
Ky është një incident tjetër nga e njëjta El Clasico, ku Real Madrid donte që Jordi Alba të largohej nga loja pasi kapi qafën e Luka Modri . Ai tashmë kishte një karton.
Me titullin e La Ligas në lojë, Real Madridi dëshironte një penallti për një faull ndaj Cristiano Ronaldos, por asgjë nuk u dha dhe nuk kishte VAR atëherë.
Një tjetër kundër Barcelonës, këtë herë pasi Sergio Ramos u përjashtua për një faull ndaj Lionel Messit, por Los Blancos pretendojnë se ndëshkimi ishte i gabuar.
Ishte El Clasico e parë e Zinedine Zidane si trajner dhe Gareth Bale shënoi për ta dërguar Real Madridin në epërsi prej 2-1. Por goli u anulua për një faull të pretenduar ndaj Jordi Albas.
Rasti i fundit në listë erdhi të dielën, dhe Real Madrid u mërzit përsëri nga vendimmarrja e gjyqtari Hernandez Hernandez.
VAR i tha atij që të rishikonte lojën me dorë, por ai nuk e ndjeu se ishte i denjë për një penallti. /Telegrafi/
