Real Madridi nuk harxhoi asnjë cent – por cilat ishin klubet që shpenzuan më së shumti në afatin kalimtar të kësaj vere

Real Madridi është i vetmi klub i madh evropian që nuk ka shpenzuar asnjë cent në këtë afat kalimtar veror.

Los Blancos kishin prioritet largimin e disa lojtarëve në këtë verë, qoftë si huazim apo si shitje përfundimtare.

Nga Real Madridi u largua në total 15 lojtarë, përfshirë këtu emra të mëdhenj si, Achra Hakimi, Oscar Rodriguez, Sergio Reguilon, James Rodriguez dhe Gareth Bale, që kalon shumën e 100 milionë eurove.

Lexo po ashtu Për herë të parë që nga vitit 1980, Real Madridi nuk ka nënshkruar me asnjë lojtar të vetëm gjatë afatit kalimtar veror

Skuadra madrilene riktheu nga huazimi lojtarë si Martin Odegaard, Alvaro Odriozola dhe Andriy Lunin, derisa janë të fokusuar në transferimin e Kylian Mbappes në verën e ardhshme nga Paris Saint-Germain.

Chelsea e mban kurorën e shpenzime në Evropë, pasi harxhuan plotë 247 milionë euro në transferimin e lojtarëve si Kai Havertz, Timo Werner, Ben Chilwell dhe Hakim Ziyech.

Manchester City është në vendin e dytë me 157 milionë euro të shpenzuara në lojtar si, Nathan Ake, Ferran Torres e Ruben Dias.

Lexo po ashtu Fituesit dhe humbësit në Ligën Premier, pas mbylljes së afatit kalimtar të transferimeve

Në vendin e tretë është Barcelona që shpenzoi 124 milionë euro në transferimin e lojtarëve si Miralem Pjanic dhe Sergino Dest.

Shpenzues të mëdhenj ishin edhe klube si Atletico Madrid, Tottenham Hotspur, Arsenal, Manchester United, Liverpool e Bayern Munich. /Telegrafi/